Ditus 8 - Portuguese Creole Bible, Guinea-Bissau

Jiresa ngabadu

1Nta jiresa ka na coma?

Ntindimentu ka na yalsa

15N ta juda reis pa e manda,

N ta juda ŝefis pa e da ordis justu.

16Regulus ku garandis e ta manda ku ña ajuda,

suma tambi tudu juisis na mundu.

17N ama kilisSal 91.14; Jon 14.21,23-24; 1 Jon 4.10 ku aman;

kilis ku buskan parmaña sedu e na ojan.

18N tene rikesaKap 3.16; 4.7-9; Mat 6.19-20,33; Fil 3.8-9 ku gloria;

sin, rikesa ku ta tarda, ku justisa.

19Ña frutu i minjor di ki uruKap 8.10 mas finu;

ña rindimentu i mas di ki prata mas puru.

20N ta yanda na kamiñu di justisa;

N ta sigi kamiñus diritu.

21N ta da rikesa pa kilis ku aman;

N ta inci se kasas ku kusas di balur.

22“SIÑOR tenenba oca ki kumsa si tarbaju,

antis di kumpuJon 1.1-2 kualker kusa na kumsada.

23Disna di iternidadi N kujidu,

disna di kumsada, antis di mundu kumpudu.

24N padidu antis di mar ten,

antis di fontis tenba ku manga di yagu.

25Antis di montañasJo 15.7-8; 38.4-11; Sal 90.2 formadu,

ku montis mas pikininu, ami N padiduba ja,

26antis di Deus kumpu tera ku matu,

oca ki ka tenba nin puera.

27Oca ki koloka seu na si lugar, N staba la;

oca ki marka divison di seu ku mar,

28oca ki fiksa nuvens la riba,

i pui fontis di mar firmi na se lugar,

29oca ki pui frontera na mar,

pa yagu ka pasa ki limitiJer 5.22 ki pui,

oca ki kumpu alisersus di con, N staba la.

30N staba lungu del pa judal,

N sedu si kontentamentu;

N ta fikaba sempri ku pas si dianti.

31N staba kontenti ku mundu ki kumpu,

ku jinti ku staba la.

32“Asin, ña fijus, bo obin,

pabia kilis ku yandaSal 1.1-3; 119.1-2; Luk 11.28 na ña kamiñus

e na sortiadu.

33Bo obi nsinamentu; ka bo negal,

pa bo pudi sedu jiru.

34Sortiadu i ki omi ku paran sintidu,

i na pera na ña porta kada dia,

i firma na entrada di ña kasa.

35Kil ku ojan i na oja vida;

i na ngaña faburKap 12.2; 18.22 di SIÑOR.

36Kil ku peka kontra mi i dana si propiKap 5.11-12,22-23 vida;

tudu kilis ku aburisin e misti mortu.”