1N na toma ña pusison suma guarda riba di tori
5Ki omi injustu, suma ki ta bibi biñu ciu, i ka fiel. I sedu orgulyosu, i ka taDit 27.20; 30.16 farta; si diseẑu i garandi suma simiteriu; i sta suma mortu ku ka ta farta; i ta junta manga di nason pa el, i leba tudu rasas pa katiberasku.
6Elis tudu e na kumsa papia kontra el, e na kobal, e fala: ‘Ai di kil ku ta buri kil ki ka di sil! Te kal dia ku bu na kontinua pista kusa a forsa?’
7Nta kilis ku bu dibi e ka na lanta di repenti? E ka na korda, e sakudiu? E ka na bin furtau tudu?
8Manera ku bu furta rikesas di manga di nason, tudu jinti ku sobra e na bin furtaIs 33.1 di bo, pabia di sangi di omis ku bu darma, ku violensia ku fasidu na teras ku prasas ku tudu jinti ku mora la.
9“Ai di kil ku junta na si kasaOb 4; Zak 5.4 rikesa ki ngaña na un manera mau, pa pui si niñu na kau altu, pa libra di puder di mal!
10Manera ku bu kaba ku manga di nason, bu tisi borgoña riba di bu kasa, bu pui bu propi vida na pirigu.
11Pedras di paredi na grita kontra bo; tagua di maderiamentu i na kudil.
12“Ai di kil ku funda prasa ku maldadi, i kumpulJer 22.13; Naun 3.1 ku sangi!
13Nasons ta tarbaja son pa fugu; jinti ta kansa na nada. Nta i ka SIÑOR ku ten tudu puder ku fasi es?
14Ma mundu na inciIs 11.9 ku kuñisimentu di gloria di SIÑOR suma yagu ta kubri mar.
15“Ai di kil ku ta da bibida pa si kumpañer! Abo ku ta cigantal bu garafa tok i cami, pa bu pudi oja si kurpu nun,
16abo propiJer 25.26-27 bu na inci borgoña, bu na pirdi bu rispitu. Bibi, abo tambi, tok bu mbala. Kopu di kastigu na mon direita di SIÑOR i na bin pa bo; ramasadura di borgoña na kai riba di bu gloria.
17Violensia ku bu fasi arvuris di Líbanu i na bin riba di bo. Bu kaba ku si limarias di matu; gosi ja limarias na pantau, pabia di sangi di omis ku bu darma, ku violensia ku fasidu na teras ku prasas ku tudu jinti ku mora la.
18“Un iduluIs 44.9-10; 46.2 ku omi labra, kal purbitu ki ten? I imaẑen son, ku ta nsina mintida, pa omi ku kumpul pudi fia na ki kusa ki kumpu, ma i na kumpu idulus ku ka pudi papia.
19Ai di kil ku fala padas di po: ‘Korda!’ o i fala pedra mudu: ‘Disperta!’ Ki kusa pudi nsinal kualker kusa? I pudi kubridu ku uru o ku prata, ma i ka tene folgu di vida.
20SIÑOR sta na si templu sagradu; tudu jinti di mundu pa e kalaSof 1.7; Zak 2.13 si dianti.”
Who We AreWhat We EelieveWhat We Do
2025 by iamachristian.org,Inc All rights reserved.
