2 Reis 13 - Portuguese Creole Bible, Guinea-Bissau

Jeoakaz, rei di Israel

1Na anu 23 di renansa di Joás, fiju di Akazias, rei di Judá, Jeoakaz,Kap 10.35 fiju di Jeu, kumsa rena riba di Israel, na Samaria; i rena disaseti anu.

2I fasi mal dianti di SIÑOR, pabia i yanda na pekadus1 Re 15.26 ku Jeroboan, fiju di Nebat, pui Israel pa i fasi; i ka larga elis.

3Asin raiba di SIÑOR yardi kontra Israel; i ntrega elis na mon di Azael,Kap 8.7-15 rei di Siria, ku di si fiju Ben-Adad, pa manga di tempu.

4Jeoakaz bai dianti di SIÑOR, i rogal. SIÑOR obi si orason, pabia i ojaSai 3.7-9 manera ku rei di Siria na kalka Israel dimas.

5SIÑOR da Israel un libertadur; e kapli na mon di sirianus. Asin, fijus di Israel bin mora na se kasas, suma purmeru,

6ma e ka larga pekadus ku rei Jeroboan pui Israel fasi; e kontinua yanda nelis. Ki idulu di AseráSai 34.13; 1 Re 16.33 fika inda firmadu na Samaria.

7Rei di Siria ka disa Jeoakaz ku tropas, si i ka son sinkuenta kabaleru, des karu ku des mil omi di pe; i kaba ku restu, i masaAm 1.3 elis suma reia.

8Tudu utru kusas ku pasa na renansa di Jeoakaz, ku tudu ki fasi, ku si puder, e sta skritu na libru di Storia di Reis di Israel.

9Jeoakaz bin diskansa; e nteral na Samaria. Si fiju Jeoás rena na si lugar.

Jeoás, rei di Israel

10Na anu 37 di renansa di Joás, rei di Judá, Jeoás, fiju di Jeoakaz, kumsa rena riba di Israel na Samaria, i rena disaseis anu.

11I fasi mal dianti di SIÑOR, i ka larga ki pekadus1 Re 15.26 ku Jeroboan, fiju di Nebat, pui pobu di Israel pa e fasi; i kontinua yanda nelis.

12Tudu utru kusas ku pasa na renansa di Jeoás, ku tudu ki fasi, ku si puder, manera ki geriaKap 14.8-16 kontra Amazias, rei di Judá, e sta skritu na libru di Storia di Reis di Israel.

13Jeoás bin diskansa, i nteradu na Samaria, lungu di reis di Israel. JeroboanKap 14.23-29 toma si lugar na tronu.

Eliseu duensi, Jeoás bai visital

14Eliseu duensiba un duensa ku bin matal. Jeoás, rei di Israel, i bai pa el, i cora riba del, i fala: “Ña pape! Ña pape! Karus di IsraelKap 2.12 ku se kabalerus!”

15Eliseu falal: “Toma mansasa ku si fleŝas.” I tomal.

16Eliseu falal: “Pega na mansasa.” I pega nel. Eliseu pui si mon riba di mon di rei.

17I falal: “Yabri janela pa ladu di saida di sol.” I yabril. Eliseu falal: “Ferca!” I ferca. Eliseu fala: “Fleŝa di vitoria di SIÑOR i fleŝa di vitoria riba di sirianus! Bu na mata elis na Afeka tok bu kaba ku elis.”

18I fala mas: “Toma fleŝas.” I toma elis. I falal: “Bati elis na con.” I batil tris bias, i para.

19Omi di Deus paña raiba ku el, i falal: “Bu dibi di batiba na con sinku o seis bias; asin bu na ngañaba sirianus tok bu kaba ku elis, ma gosi bu na ngaña elis sonKap 13.25 tris bias.”

Mortu di Eliseu

20Eliseu muri; e nteral.

Grupus di tropas moabita ta atakaba tera di Israel na entrada di kada anu.

21Un dia, oca ku utru jinti di Israel na nteraba un omi, e oja un grupu di moabitas na bin. E bota ki kurpu na koba di Eliseu. Manera ku kurpu kai, i toka na os di Eliseu; vida riba na omi; i lanta, i firma.

Gera entri Israel ku Siria

22Azael, reiKap 13.3 di Siria, i fika i na kastiga Israel na tudu renansa di Jeoakaz,

23ma SIÑOR tenba miserikordia delis, i sinti pena delis, i mostra elis fabur, pabia di amor ki ten pa si kontratuKum 17.2-8; Sai 3.6; 32.13 ku Abraon, Isak ku Jakó. I ka mistiba kaba ku elis; te aos i ka tira elis si dianti.

24Azael, rei di Siria, muri. Si fiju Ben-Adad rena na si lugar.

25Jeoás, fiju di Jeoakaz, i bai geria, i toma mas ki prasas na mon di Ben-Adad, ku kila tomaba na mon di Jeoakaz. Jeoás ngañalKap 13.19 tris bias, i toma mas ki prasas di Israel.