Amos 5 - Portuguese Creole Bible, Guinea-Bissau

Kastigu di Israel

1Pobu di Israel, bo sukuta e kantiga tristi ku N na kanta pa bos:

2“Bajuda Israel kai;

nunka mas i ka na lanta!

I dita bandonadu na si con;

i ka ten kin ku na lantandal.”

3Asin ku SIÑOR Deus fala: “Mil tropa na sai na un prasa, ma son sen ku na riba. Sen na sai na utru prasa, ma son des ku na riba, di pobu di Israel.”

4Asin ku SIÑOR fala pa pobu di Israel: “BoJer 29.13 buskan, bo ta bibu.

5Ma ka bo buskaKap 4.4; 8.14; Os 4.15 Betel, nin ka bo bai pa Jilgal, nin ka bo pasa pa Berseba, pabia, sin duvida, Jilgal na lebadu katibu, Betel na bida nada.”

6Bo buska SIÑOR, bo ta bibu, pa ka i pasa ku forsa na jorson di José suma fugu, i kaba ku el; i ka na ten na Betel kin ku na pagal.

7Bo pui justisa bidaKap 6.12 venenu, pabia bo nega fasi justisa sertu pa jinti.

8Bo buska kil ku kumpu Seti-strelaJo 9.9; 38.31 ku Orion,

kil ku ta bidanta sombra di noti pa i sedu parmaña;

i pui di dia pa i bidaKap 4.13 sukuru, suma di noti.

I ta coma yaguKap 9.6 di mar, i darmal riba di tera.

SIÑOR i si nomi.

9I ta pui pa algin forti kabadu ku el di repenti;

asin si kau forti ta danadu.

10Abos bo ta ten odiu di kil ku ta raprindi bos na kau di justisa; bo ta nuju kil ku ta konta1 Re 22.8 bardadi.

11Bo ta masa koitadi, bo pul pa i paga mpustu di miju. Pabia di kila, bo na kumpu kasas bonitu di pedra, ma bo ka naLei 28.30,33,39; Mik 6.15; Sof 1.13; Aẑeu 1.6 mora nelis; bo na paranta bon ortas di uva, ma bo ka na bibi se biñu.

12N sibi kuma bo kebra lei manga di bias; bo pekadus i garandi dimas. Bo ta kastiga jinti justu, bo ta tomaKap 2.6; Sai 23.8 suku di bas; bo nega da koitadis se diritu na kau di justisa.

13Asin, na ki tempu, kil ki jiru i na fika kaladu, pabia i na sedu un tempu mau.

14Bo buska fasi kil ki bon, i ka kil ki mau, pa bo pudi tene vida. Asin SIÑOR, Deus ku ten tudu puder, na sta ku bos, suma ku bo ta fala.

15Bo negaRom 12.9 mal, bo pega na kil ki bon, bo manti justisa sertu na porton di prasa. Talves2 Sam 12.22; Joe 2.14 SIÑOR, Deus ku ten tudu puder, pudi sinti pena di kilis ku sobra di jorson di José.

16Asin, SIÑOR, SIÑOR Deus ku ten tuduKap 4.13 puder, i fala: “Jinti na cora na tudu rua; na tudu bairu e na fala: ‘Ai! Ai!’ Labraduris na comaduJer 9.17 pa cur, juntu ku kilis ku ta pagadu pa cora.

17Jinti na cora na tudu ortas di uva, pabia N na pasaSai 12.12 na bo metadi.” Asin ku SIÑOR fala.

Dia di SIÑOR

18Ai di bos ku dija dia di SIÑOR! Ke ku bo dija ki dia di SIÑOR pa el? I na sedu dia diJer 30.7 sukuru, i ka na sedu di lus.

19I na sedu suma un omiJer 48.44 kuri pa kapli di lion, i bin kontra ku ursu, o suma i yentra na un kasa, i ngosta mon na paredi; kobra bin murdil.

20Nta dia di SIÑOR ka na sedu sukuru, sin lus? I na sedu sukuru dimas, sin klaridadi, nin pikininu.

21“N nujuDit 21.27; Is 1.11; Jer 6.20 bo festivalis, N njuti elis. Bo juntamentus ka ta dan nada di kontentamentu.

22Nin si bo tisin ofertas kemadu ku ofertas di kumida, N ka na kontenti ku elis, nin N ka na jubi pa limarias gurdu ku bo tisi pa ofertas di pas.

23Bo tira baruju di bo kantigas na ña oreja, pabia N ka misti obi musika di bo instrumentus.

24N misti pa justisaMik 6.6-8 kuri suma riu, pa retidon kuri suma yagu ku ka ta seku.

25“O pobu di Israel, i ka pa miAt 7.42-43 ku bo tisi sakrifisius ku ofertas na lala pa korenta anu,

26ma bo karga tenda di bo deus Molok, ku altar di bo idulus, ku strela di bo deus, ku bo kumpu pa bos propi.

27E ku manda N na leba bos katibu pa fika na utru ladu di Damasku.” Asin ku SIÑOR fala, ku tene nomi di Deus ku ten tudu puder.