Numerus 31 - Portuguese Creole Bible, Guinea-Bissau

Pobu di Deus ngaña midianitas

1Deus papia ku Moisés, i falal:

2“Torna vingansa pa midianitas pa kil ke fasiKap 25.6,17-18 fijus di Israel. Dipus, bu na muri.”

3Moisés fala pobu: “Utru di bos na purpara pa bai geria kontra midianitas pa torna vingansa di SIÑOR pa elis.

4Bo na manda mil omi di kada jorson di Israel pa gera.”

5Asin, jorsons di Israel da dozi mil omi yarmadu pa gera, mil di kada jorson.

6Moisés manda elis pa gera, mil di kada jorson, juntu ku Fineias,1 Kron 6.4 fiju di saserdoti Eleazar, ku leba kusas sagradu ku kornetasKap 10.9 pa da sinal.

7E geria kontra midianitas konformi ordi ku SIÑOR da Moisés, e mata tudu omis.

8Fora di kilis ku muri na gera, e mata sinku rei di midianitas ku sedu Evi, Reken, Zur,Kap 25.15; Jos 13.21-22 Ur ku Reba. E mata tambi Balaon, fiju di Beor, ku spada.

9Fijus di Israel leba prezu minjeris midianita ku se mininus; tambi e leba tudu se bakas ku karnel ku tudu se rikesas.

10E kema tudu se prasas ku moransas ku tudu kampamentus.

11E toma tudu ki kusas ke ngaña na gera, juntu ku jinti ku limarias,

12e lebal pa Moisés ku saserdoti Eleazar ku tudu juntamentu di Israel na se kampamentu na bulañas di Moab, lungu di riu Jordon filadu ku Jerikó.

13Moisés ku saserdoti Eleazar ku tudu ŝefis di kumunidadi e sai e da elis kontrada fora di kampamentu.

14Moisés paña raiba pa ŝefis di tropa, ku kapitons di grupus di mil ku di sen ku na binba di ki gera.

15Moisés punta elis: “Bo disa tudu minjeris ku vida?

16I elis propi ku toma konsiju di Balaon, e tenta fijus di Israel, e pui elis peka kontra SIÑOR na ki kusa ku pasabaKap 25.1-3,6,9,18; Lei 4.3 na Peor, ku manda i bin ten ki praga na metadi di kumunidadi di SIÑOR.

17Gosi bo na mata tudu rapasis,Ŝef 21.11 bo mata tambi tudu minjer ku ciga di dita ku omi,

18ma bajudas ku ka ciga di dita ku omi, bo pudi disa elis bibu pa bos.

19“Abos tudu ku mata algin o ku toka na difuntu, bo na fika fora di kampamentuKap 12.14; Sir 4.12 seti dia. Na terseru ku setimu dias bo na purifika bo propi kurpus ku bo prezus.

20Tambi bo ten ku purifikaKum 35.2; Sai 19.10; Sir 11.32 tudu ropa, ku tudu kusa ku kumpudu ku kuru, kabelu di kabra o madera.”

21Saserdoti Eleazar fala omis ku riba di gera: “Es i regras di lei ku SIÑOR da Moisés.

22Uru, prata, kobri, feru, stañu, cumbu,

23ku tudu kusa ku pudi nguenta fugu, i ten ku pasa na fugu1 Kor 3.13-15; 1 Ped 1.7 pa i fika limpu, ma i ten ku purifikadu tambi ku yagu di purifikason. Tudu ku ka pudi nguenta fugu, bo pasal na yagu.

24Na setimu dia bo ta laba bo ropa pa bo pudi fika limpu. Dipus bo ta yentra na kampamentu.”

25SIÑOR papia mas ku Moisés, i falal:

26“Abo ku saserdoti Eleazar ku ŝefis di familia di kumunidadi, bo fasi konta di tudu jinti ku limarias ku pañadu na gera.

27Bo rapatiJos 22.8; 1 Sam 30.22-25 kil ku bo paña na metadi, un parti pa tropas ku bai gera, utru parti pa kumunidadi.

28Na mon di tropas ku bai gera bo na toma, suma mpustu pa SIÑOR,Kum 14.20; Jos 6.19,24; 2 Sam 8.11; 1 Kron 18.11; 26.26-27 un na kada kiñentus, nin si i jinti o si i bakas, burus, o karnel.

29Bo na tomal na ki metadi ke na dadu, bo dal pa saserdoti Eleazar, suma oferta spesial pa SIÑOR.

30Na parti ku na bai pa fijus di Israel bo na toma un na kada sinkuenta, nin si i jinti, bakas, burus, karnel o utru limarias. Bo na dal pa levitas ku ta toma konta di tenda di SIÑOR.”

31Moisés ku saserdoti Eleazar e fasi konformi SIÑOR manda Moisés.

32Kil ku pañadu na gera, i sobra dipus di tropas toma utru, i seduba: 675.000 karnel,

3372.000 baka,

3461.000 buru

35ku 32.000 bajuda ku ka ciga di dita ku omi.

36Metadi ku tiradu pa tropas ku baiba gera i sedu 337.500 karnel.

37Mpustu pa SIÑOR ku tiradu di ki karnel i sedu 675.

38Bakas seduba 36.000; 72 tiradu suma mpustu pa SIÑOR.

39Burus seduba 30.500; 61 tiradu suma mpustu pa SIÑOR.

40Jinti seduba 16.000; 32 tiradu suma mpustu pa SIÑOR.

41Moisés da ki mpustu pa saserdotiKap 18.8,19 Eleazar suma oferta spesial pa SIÑOR, manera ku SIÑOR dalba ordi.

42Ki metadi ku bai pa fijus di Israel, ku Moisés separa di kilis di tropas,

43i seduba 337.500 karnel,

4436.000 baka,

4530.500 buru

46ku 16.000 jinti.

47Di ki metadi di fijus di Israel Moisés toma un di kada sinkuenta, di jinti ku limarias, suma ku SIÑOR mandal, i dal pa levitas ku tenba konta di tenda di SIÑOR.

Oferta ku kapitons da di libri vontadi

48Kapitons ku staba riba di grupus di tropa di mil ku di sen e bai pa Moisés,

49e falal: “Bu servus fasi konta di tropas ku staba bas di nos; nin un son ka falta.

50Asin no tisi, suma oferta pa SIÑOR, kusas di uru ku kada kin ngaña, fajamentus di brasu, pulseras, anelis, brinkus ku fius di garganti, pa pursenta dianti di SIÑOR pa pagamentu di no vida.”

51Asin Moisés ku saserdoti Eleazar risibi ki uru na se mon; tudu ki kusas seduba tarbaju di algin ku sibi fasil diritu.

52Tudu uru di oferta ku ki kapitons di mil ku di sen tisi pa SIÑOR i seduba kuas 200 kilu.

53(Kada tropa tomaba kusas pa si kabesa.)

54Asin Moisés ku saserdoti Eleazar risibi ki uru na mon di kapitons di mil ku di sen, e lebal pa tenda di juntamentu sumaSai 30.16; Luk 22.19; At 10.4 lembransa, pa SIÑOR pudi lembra di Israel.