2 Samuel 3 - Portuguese Creole Bible, Guinea-Bissau

1Gera bin tarda na metadi di jinti di Davi ku jinti di familia di Saul. Davi mas na ngañaba forsa, ma kilis di ladu di Saul e mas na fraksi.

Fijus di Davi ku padidu na Ebron

2Esis i fijus di Davi ku padidu1 Kron 3.1-4 na Ebron, konformi ordi ke padidu: Ainoan di Jizreel padi Amnon;Kap 13.1-29

3Abigail, viuva di Nabal, di Karmelu, i padi Kileab; Maaka, fiju di Talmai, rei di Jesur,Kap 13.37-38; 14.23; 15.8; Lei 3.14; Jos 13.13; 1 Sam 27.8 i padi Absalon;Kap 13.1,20-39; 14.24-33; 15.1-13; 16.15-23; 17–18

4Ajit padi Adonias;1 Re 1.5; 2.13-25 Abital padi Sefatias;

5Eglá, minjer di Davi, i padi Itrean. Esis i fijus ku Davi padi na Ebron.

Abner fasi kontratu ku Davi

6Konformi gera na kontinua entri jinti di Davi ku jinti di familia di Saul, Abner fika i na torna mas forti na metadi di jinti di Saul.

7Saul teneba un kumadri ku tene nomi di Rizpa,Kap 21.8-11 fiju di Aia. Isboset punta Abner: “Pabia di ke ku bu dita ku kumadri di ña pape?”

8Abner paña raiba ciu pabia di ki palabra di Isboset, i puntal: “Nta ami i kabesa di kacur1 Sam 17.43 na ladu di Judá? Te gosi N sedu fiel pa familia di Saul bu pape, ku si ermons ku si amigus; N ka ntregau na mon di Davi, ma aos bu na dan kulpa pabia di maldadi di un minjer.

9Deus na kastigan risu si N ka fasi pa Davi ki kusa1 Sam 13.14; 15.28; 16.1,13; 28.17; Sal 89.3-4,20,35-37 ku SIÑOR jurmental.

10N na tira renansa na familia di Saul, N na pui Davi na tronu riba di Israel ku Judá, desdi DanKap 17.11; 24.2; Jos 19.47; 1 Re 4.25 te na Berseba.”

11Isboset ka osa ruspundi Abner nin un palabra, pabia i tenba medu del.

12Asin Abner manda jinti ku rekadu pa e bai fala Davi asin: “Tera i di kin? Si bu konkorda ku mi, N na fasi kil ku N pudi pa junta tudu Israel na bu ladu.”

13Davi manda falal: “I sta bon. N na konkorda ku bo, ma son si bu fasi e kusa ku N na pidiu. Ka bu yentra na ña pursensa si bu ka tisin1 Sam 25.44 Mikal, fiju di Saul, ora ku bu na bin jubin.”

14Davi manda tambi jinti pa Isboset, fiju di Saul, ku e rekadu: “Tornan ña minjer Mikal, pabia N paga1 Sam 18.27 prepusius di sen filisteu pa N pudi kasa ku el.”

15Asin Isboset manda tiral na mon di si omi Paltiel, fiju di Laís.

16Si omi bai ku el, i na cora si tras na tudu kamiñu ki yanda te na Baurin.Kap 16.5 Abner falal: “Riba pa kasa.” Asin i riba.

17Abner bai kombersa ku garandis di Israel, i fala elis: “I tarda ja ku bo misti pui Davi pa i sedu bo rei.

18Gosi bo pudi fasil, pabia es i palabra ku SIÑOR fala Davi: ‘Pa mon di ña servu Davi N na liberta ña pobu Israel na mon di filisteus, ku di tudu se inimigus.’ ”

19Abner bai papia ki mesmu palabra ku jinti di Benjamin. Dipus i bai pa Ebron, i konta Davi tudu ku pobu di Israel ku tudu jorson di Benjamin oja.

20Asin Abner bai pa Davi na Ebron ku vinti omi. Davi fasi festa pa Abner ku omis ku baiba ku el.

21Dipus Abner fala Davi: “N na lanta, N bai junta tudu Israel pa Ñu Rei, pa e fasi kontratu ku bo, pa bu rena riba di tudu tera, suma ku bu misti.” Asin Davi dispidi Abner, i dal garantia di pas na bias.

Joab mata Abner

22Joab ku tropas di Davi e riba di ataka un kau, e tisi manga di kusa ke roba na gera. Abner ka staba ja ku Davi na Ebron, pabia Davi dispidil, i dal garantia di pas na bias.

23Oca Joab ciga ku tudu tropas ku staba ku el, i kontadu kuma Abner, fiju di Ner, binba nunde rei; rei dispidil, i dal garantia di pas na bias.

24Joab yentra nunde rei i puntal: “Es i ke ku bu fasi? Ali Abner bin pa bo; pabia di ke ku bu disal bai? Gosi ja i kapli!

25Bu kunsi Abner, fiju di Ner! I bin pa nganau, pa sibi kuma ku bu ta yanda, ku ke ku bu ta fasi.”

26Joab sai nunde Davi, i manda jinti tras di Abner. E ribantal desdi fonti di Sira, ma Davi ka sibiba nada.

27Oca Abner riba pa Ebron, Joab tomal, i lebal pa un kau na porton, i fasi suma i misti papia ku el naKap 20.9-10; Lei 27.24 sigridu. La na ki kau i fidil na bariga, i matal, pa i pudi vinga mortuKap 2.19-23 di si ermon Asael.

28Oca Davi obi es, i fala: “Ami ku ña pobu no sta libri di kulpa pa sempri dianti di SIÑOR pa mortu di Abner, fiju di Ner.

29Kastigu di si mortu i ta kai riba di kabesa1 Re 2.5-6,31-34 di Joab, ku riba di tudu jorson di si pape. Nunka na si familia i ka na falta algin ku materia na sai na si kurpu, nin algin ku na tene mpincu, nin kin ku na nkuña na po, nin kin ku na matadu ku spada, nin kin ku ten falta di kusa di kume.”

30Asin Joab ku si ermon Abisai e mata Abner, pa vinga mortu di se ermon Asael, ku Abner mata na gera na Jibeon.

31Davi fala Joab ku tudu jinti ku staba ku el pa e rumpi se ropa, e bisti saku, pa e pasa dianti di Abner, e ba ta cora. Rei Davi tambi i na yandaba tras di difuntu.

32Oca ke na ntera Abner na Ebron, rei yalsa si fála, i cora lungu di koba; tudu jinti cora tambi.

33Davi miskiña Abner ku e palabra:

“Ke ku manda Abner muri suma ku malandru ta muri?

34Bu mon ka staba maradu,

nin bu pe ka staba prezu na korenti di bronzi,

ma bu kai suma kilis ku muri na mon di malvadus.”

Asin tudu jinti torna cora mas pa el.

35Dipus, oca sol ka kaiba inda, tudu jinti mistiba pa Davi kume kualker kusa, ma i jurmenta, i fala: “Deus ta kastigan risu si N pui kualker kusa na bokaKap 1.12; 12.17; Ŝef 20.26 antis di sol noti.”

36Tudu jinti nota e kusa, e fika kontenti. Na bardadi, jinti ta fikaba kontenti ku tudu kusa ku rei fasi.

37Asin tudu jinti na tudu Israel ntindi na ki dia kuma rei ka tenba parti na mortu di Abner, fiju di Ner.

38Rei punta si omis: “Bo ka sibi kuma un ŝef garandi muri aos na Israel?

39Mesmu ku N sedu rei unjidu, N sinti fraku, pabia e omis, fijus di Zeruia, e sedu duru dimas; N ka pudi ku elis. SIÑOR ta paga algin ku ta fasi mal konformi si maldadi.”