Ditus 6 - Portuguese Creole Bible, Guinea-Bissau

Avisu pa fiadur

1Ña fiju, si bu seta sedu fiadurKap 11.15; 17.18; 20.16; 22.26; 27.13; Kum 43.9; 44.32-33; Filem 18-19; Eb 7.22 di dibida di utru algin, bu da bu propi mon,

2bu pañadu na ridia di bu propi palabras, ki purmesa ku bu fasi.

3Asin ku bu na fasi, ña fiju, pa libra bu kabesa, pabia bu kai ja na mon di bu kumpañer. Bai, bu baŝa pa el, bu rogal ku fabur.

4Ka bu seta pa bu durmi, nin pa bu uju diskansa.

5Libra bu kabesa, suma gazela na mon di montiadur, o suma kacuSal 124.7 na mon di kin ku ta pañal.

Avisu pa prigisosu

6Abo, prigisosu,Kap 10.26; 12.24,27; 13.4; 15.19; 18.9; 19.15,24; 20.4,13; 21.25; 22.13; 24.30-34; 26.13-16; Ekl 4.5; 10.18; Mat 25.26; Rom 12.11; Eb 6.12 bai pa firminga,Kap 30.25 bu jubi ke ki ta fasi, pa bu sedu jiru.

7I ka tene nin ŝef, nin kapatas, nin kil ku sta riba del,

8ma i ta purpara, i junta si kumida na tempu di kebur.

9O prigisosu! Te kal tempu ku bu na fika ditadu? Kal ora ku bu na lantaRom 13.11; Ef 5.14; 1 Tes 5.6 di bu sonu?

10Bu fala: “N na durmi un bokadu, N na jungu son; N na dita N dobra mon un bokadiñu.”

11Asin, koitadesa ta bin riba di bo suma ladron; bu falta di kusas i ta bin suma omi yarmadu.

Avisu kontra maldadi

12Omi mau, malandru, i ta yanda ku palabras tortuKap 4.24 na boka.

13I ta fasi sinal kuKap 10.10; Sal 35.19 uju, ku pe o ku dedus.

14Tudu tempu i ta fasi planus tortu konformi maldadiKap 16.28-30; 21.8; 26.20 di si korson. I ta yanda i na sumia jus.

15E ku manda mufunesa na bin riba delKap 1.27; 29.1 di repenti; i na kebrantadu, i ka na tene kura.

16E seis kusa, SIÑOR ka gosta delis; kil di seti, i nuju el:

17UjuKap 8.13; 16.5,18; 30.13; Sal 101.5; 131.1; Is 2.11; 3.16 di orgulyu,

linguaKap 12.19,22; 26.28; Sal 5.6 di mintida,

monLei 27.25; 2 Re 24.4; Is 1.15; 59.3 ku ta darma sangi di algin ku ka ten kulpa,

18korson ku ta pensaKap 12.2; 14.17; 24.8; Kum 6.5; Sal 36.4; Mik 2.1; Zak 8.17 planus mau,

peKap 1.16 ku ta kuri pa mal,

19tustumuñaKap 12.17; 14.5,25; 19.5,9,28; 21.28; 24.28; 25.18; Sai 20.16 ku ta konta mintidas

ku kil ku ta sumia jusKap 6.14 na metadi di ermons.

Avisu kontra dita ku minjer di utru omi

20Ña fiju, obdisi ordis di bu pape; ka bu njuti nsinamentuKap 1.8 di bu mame.

21MaraKap 3.3 se palabras sempri na bu korson, bu pindra elis na bu garganti.

22Ora ku bu na yanda, e na giau; ora ku bu na dita, e naKap 3.23-24; 4.6 guardau; ora ku bu korda, e na papia ku bo.

23E ordi i suma kanderu, e nsinamentuSal 119.105; 2 Tim 3.16 i suma lus. Si i raprindiu, i kuriẑiu, i ta mostrau kamiñuKap 4.4,13; 15.24; Jer 21.8 di vida,

24pa guardau di minjerKap 2.16 mau, di palabras sabi di minjer infiel.

25Ka bu kubisa na bu korsonMat 5.28; Tia 1.14-15 si bonitasku, nin ka i kaptau ku si uju.

26Minjer ku ta bindi si kurpu, bu pudi kumpral ku un bokadu di kumida, ma si un minjer kasadu dita ku bo, i pudi kustau bu vida.

27Nta omi pudi toma fuguJo 31.9-12 na si pitu sin si ropa ka kema?

28O algin pudi yanda riba di brasas sin i ka kema si pe?

29Asin ki sedu ku kil ku dita ku minjer di si kumpañer. Kil ku tokaSir 20.10 nel i ka na fika sin kulpa.

30Jinti ka ta koba ladron ora ki furta pa mata si fomi,

31ma si i pañadu, i ta pagaSai 22.1-4 seti bias mas, nin si i kustal tudu kusa na si kasa.

32Kil ku dita ku minjer di utru omi i ka tene kabesa; i dana si propiKap 5.22-23; 7.22-23; 8.36; 9.18; 29.24 vida.

33I na sutadu, i tene mau nomi; si borgoña nunka ka na kaba.

34Siumi di maridu na lantanda raiba forti; i ka na purda na dia ki na torna vingansa.

35I ka na seta nin pagamentu; inda ku bu da suku di bas garandi, i ka na seta.