Josué 13 - Portuguese Creole Bible, Guinea-Bissau

Josué rapati tera

1Oca Josué teneba ja idadi avansadu, SIÑOR falal: “Bu beju ja dimas; tera ku ka tomadu inda i ciu.

2Tera ku dibi di tomadu inda i es: tudu reẑion di filisteus ku jesuritas,

6“Ami N na tira fora, na fabur di fijus di Israel, tudu jinti ku mora na montañas, desdi Líbanu te naKap 11.8 Misrefot-Main, ku sedu tudu jinti di Sidon. Abo bu na juga sortiNum 26.53-56 pa rapati ki tera pa Israel pa i sedu se yardansa, suma ku N mandau disna.

7Bu na rapati e tera gosi pa novi jorson ku metadi di jorson di Manasés, pa i sedu se yardansa.”

Rapatimentu di tera na utru banda di Jordon

8Utru metadi di Manasés, ku rubenitasKap 4.12; 22.4; Num 32.20-32 ku gaditas, e risibiba ja se yardansa na utru banda di Jordon pa saida di sol, ku Moisés, servu di SIÑOR, daba elis.

9Se tera bai di Aroer,Kap 13.16; 12.2; Lei 2.36; 3.12; Ŝef 11.26; 1 Sam 30.28; 2 Sam 24.5; 1 Kron 5.8; Is 17.2 ku sta lungu di kobon di Arnon, ku ki prasa ku sta na metadi di kobon, ku tudu kau rasu di MedebaNum 21.30 te na Dibon;

10tudu tabankas di Sion, rei di amoreus, ku renaba na Esbon, te na tera di fijus di Amon;Num 21.24-26

11Jilead, tera di jesuritas ku maakatitas, tudu monti Ermon, ku tudu Basan te na Salka;

12ku tudu con di OgKap 12.4-5 na Basan, ku renaba na Astarot ku Edrei (el i seduba un di jigantis ku sobra). Moisés ngañaba ki jinti, i toma se tera,

13ma fijus di Israel ka tira fora jesuritas nin maakatitas; asin e mora na metadi di Israel te aos.

14I ka da jorson di LeviKap 14.3-4; 18.7; Num 18.20-24 yardansa, manera ku Deus falal kuma sakrifisius kemadu pa SIÑOR, Deus di Israel, elis ku na sedu se yardansa.

15Moisés da tera pa jorson di Ruben, konformi se familias.

16Se tera bai desdi Aroer, ku sta lungu di kobon di Arnon, ku ki prasa na metadi di kobon, tudu ki kau rasu te na Medeba,

17Esbon ku tudu si prasas na planaltu, ku sedu Dibon, Bamot-Baal, Bet-Baal-Meon,

18Jaza,Kap 21.36 Kedemot, Mefaat,

19Kiriatain, Sibma,Num 32.37-38; 33.38; Is 16.8; Jer 48.32 Zeret-Saar na monti na metadi di kobon,

20Bet-Peor,Num 25.3 riadas di Pisga,Kap 12.3; Lei 3.27 Bet-Jesimot,

21tudu prasas di planaltu, ku tudu con di Sion, rei di amoreus, ku renaba na Esbon, ku MoisésNum 21.24-25; 31.8 mata, tudu ku ŝefis di Midian, ku sedu Evi, Reken, Zur, Ur ku Reba, ku staba bas di Sion, e moraba na ki con.

22Tambi ki diviñadur Balaon,Num 22.5-7 fiju di Beor, fijus di Israel matal ku spada, juntu ku utrus ke mata.

23Frontera di fijus di Ruben seduba riu Jordon. Ki reẑion, ku si prasas ku tabankas, i seduba yardansa di fijus di Ruben, konformi se familias.

24Es i kil ku Moisés daba jorson di Gad, konformi se familias:

25tera di Jazer,Num 32.1,34-36 ku tudu prasas di Jilead, ku metadi di tera di fijus diKum 19.38; Ŝef 11.13-32; 2 Sam 10.1; 11.1; 12.26; Am 1.13-15 Amon, te na Aroer ku sta dianti di Rabá;

26desdi Esbon te na Ramá-Mizpá ku Betonin, tambi desdi MaanainKap 21.38; Kum 32.1-2; 2 Sam 2.8; 17.24,27; 19.32; 1 Re 4.14 te na frontera di Debir,

27na kobon, Bet-Aran, Bet-Ninrá, SukotKum 33.17; Ŝef 8.5-6,14-16; 1 Re 7.46; Sal 60.6 ku Zafon, ku sobra di restu di con di Sion, rei di Esbon, ku sedu tera na utru banda di Jordon pa saida di sol, te na marKap 11.2 di Kineret.

28Ki prasas ku tabankas e sedu yardansa di fijus di Gad, konformi se familias.

29Es i kil ku Moisés daba metadi di jorson di ManasésNum 32.39-41 pa se yardansa, konformi se familias:

30Se tera, ku kumsa desdi Maanain, i seduba tudu Basan, ku tudu con di Og, rei di Basan, ku tudu sesenta tabanka di Jair ku sta na Basan,

31metadi di Jilead, Astarot ku Edrei, prasas di con di Og na Basan. Es tudu i dadu pa metadi di fijus di Makir, fiju di Manasés, konformi se familias.

32Es i yardansa ku Moisés rapati ocal na kau rasu di Moab, na ladu di Jerikó pa saida di sol, na utru banda di Jordon.

33Moisés ka da yardansa pa jorsonKap 13.14 di Levi; SIÑOR Deus di Israel i se yardansa, suma ki fala elis ba.