Jo 19 - Portuguese Creole Bible, Guinea-Bissau

Jo sibi kuma si Salbadur sta bibu

1Jo ruspundi i punta:

2“Te kal tempu ku bo na pun pa N fika tristi,

bo na kebrantan ku palabras?

3I fasi ja des biasKum 31.7; Num 14.22; Ne 4.12; Dan 1.20 ku bo na raprindin;

bo ka ten borgoña pa abusa na mi.

4Si na bardadi N yara,

i na fika na mi.

5Bo na yalsa kabesa kontra mi,

bo toma ña kastigu suma probaLuk 13.2-4; Jon 9.2,34 di ña kulpa.

6Ma bo dibi di sibi kuma i Deus ku tisi e mal pa mi.

i tajan ku siMis 1.12-13 ridia.

7N ta grita: ‘Violensia!’ ma ningin ka obi.

N coma pa sakur, ma justisa ka ten.

8El i tajanKap 3.23 kamiñu, N ka pudi pasa;

i pui sukuru na ña kamiñu.

9I roban ña rispitu,

i tiran koroaSal 89.44 na kabesa.

10I kebran na tudu ladu,

i rinka ña speransaKap 17.15 suma arvuri.

11I sindi si raiba kontra mi,

i tenen suma un di si inimigus.

12Si tropas junta e bin,

e kumpu rampa di kamba kontra mi,

e pui se tendas na ña roda.

13“I pui ña ermons pa e lunjusiSal 38.11; 69.8; 88.8,18 di mi;

kilis ku kunsin e tenen suma algin strañu.

14Ña parentis bandonan,

ña amigus diskisi di mi.

15Ña ospris ku ña bajudas di kasa

e tenen suma stranjeru ke ka kunsi.

16N ta coma ña kriadu; i ka ta kudin;

ami propi N ten ku pidil fabur!

17Ña minjer ka pudi nguenta ceru di ña boka;

N torna nujenti pa fijus di ña mame.

18Te mininusKap 30.1,12; 2 Re 2.23; Is 3.5 ta njutin;

si N lanta, e ta fasin trosa.

19N bida nujenti pa tudu ña amigus di korson;

kilis ku N mas amaSal 41.9; 55.12-14; 109.4-5; Luk 22.48 e vira kontra mi.

20Ña os na pega na ña peliKap 30.30; 33.19-22; Sal 102.3,5; Mis 3.4; 4.8 ku karni;

Kusasiñu ku pun pa N kapli ku vida.

21“Bo sinti pena di mi, ña amigus!

Bo sinti pena di mi,

pabia mon di Deus toka na mi.

22Ke ku manda bo na pirsigin suma Deus na pirsigin?

Nin bo ka na kansa atakan!

23“I ta bon ba pa ña palabrasKap 31.35 skirbidu,

pa e gravadu na rolu di libru!

24I ta bon ba pa e gravaduSai 28.11; 32.16; Jer 17.1 ku kaneta di feru ku cumbu

na pedra, pa e fika pa sempri!

25N sibi kuma ña LibertadurKap 33.24; Sal 19.14; Is 54.5; 59.20; Ef 1.7 sta bibu;

na kabantada i na lanta i firma na mundu.

26Dipus ku ña peli kumedu,

ami, na ña karni, N naSal 17.15; Mat 5.8; 1 Kor 13.12; Apok 1.7 oja Deus.

27Ami propi N na ojal;

ña uju na ojal; i ka uju di utru algin.

Ña korson na yardi dentru di mi ku diseẑu!

28“Si bo fala: ‘No buska manera di pirsigil,

pabia rais di purblema sta nel,’

29abos propi bo dibi di medi spada,

pabia raiba di Deus i ta tisi kastigu di spada,

pa bo sibi kuma i ten alginSal 58.11 ku ta julga.”