Saida 33 - Portuguese Creole Bible, Guinea-Bissau

SIÑOR da ordi pa Israel sai di Sinai

1SIÑOR fala Moisés: “Sai di li, abo ku pobu ku bu tisi di tera di Ejitu, bo bai pa tera ku N jurmenta da Abraon, Isak ku Jakó, oca ku N fala elis kuma N na dalKum 12.7 pa se jorson.

2N na manda un anju bu dianti, N tira kananeus,Kum 15.18-21; Jos 3.10-11; 24.11 amoreus, eteus, perizeus, eveus ku jebuseus pa fora.

3Bo na bai pa un tera rikuKap 3.8 ku ta pruduzi ciu, ma N ka na bai ku bos, suma ku bo sedu un pobu ku risu kabesa, pa ka N bin kaba ku bos na kamiñu.”

4Oca ku pobu obi ki mau noba, e fika tristi; nin un delis ka pui si fajamentu,

5pabia SIÑOR daba Moisés ordi pa i fala fijus di Israel: “Abos bo risu kabesa. Si N bin na yanda ku bos, nin si i un bokadiñu, N pudi kaba ku bos. Bo tira bo fajamentus, pa N pudi sibi ke ku N na bin fasi ku bos.”

6Asin fijus di Israel tira tudu se fajamentus lungu di monti Oreb.

Tenda di nkontru ku SIÑOR

7Moisés kustumaba toma tenda, i yarmal fora di kampamentu, un bokadu lunju, i comal tenda di nkontru. Algin ku na buskaba SIÑOR i ta bai pa ki tenda di nkontru, fora di kampamentu.

8Ora ku Moisés na bai pa ki tenda, tudu pobu ta lanta, kada kin ta firma na porta di si tenda, i jubi tras di Moisés tok i yentra na tenda.

9Ora ku Moisés yentra na tenda, kuluna di nuven ta riaba, i para na porta di tenda nkuantu SIÑOR na papiaSir 1.1; Num 12.4-5; Sal 99.7 ku Moisés.

10Ora ku tudu pobu jubi kuluna di nuven na porta di tenda, kada kin ta lanta, i mpina la na porta di si tenda.

11SIÑOR ta papiaba ku Moisés rostuKum 32.30; Num 12.8; 14.14; Lei 5.4; 34.10; Jon 15.14-15; Tia 2.23 ku rostu, suma ku algin ta papia ku si amigu. Dipus, Moisés ta riba pa kampamentu, ma ki joven ku ta judal, ku sedu Josué, fiju di Nun, nunka i ka ta sai na tenda.

Moisés pidi Deus pa i bai ku elis

12Moisés fala SIÑOR: “Bu falan pa N leba e pobu pa ki tera, ma bu ka kontan kin ku na bai ku mi. Bu falan kuma bu kunsinIs 43.1; Jer 1.5; Jon 10.14-15; 2 Tim 2.19 pa nomi, tambi kuma, N oja fabur na bu uju.

13Si kontra N oja fabur na bu uju, N pidiu pa bu fasin kunsi buSal 25.4; 27.11; 86.11; 119.33; Is 30.21 kamiñu. Asin N ta kunsiu, pa N pudi kontinua oja fabur na bu uju. Lembra kuma e pobu i bu pobu.”

14SIÑOR falal: “Ami propi N na baiJos 1.5; Is 63.9; Mat 28.20 ku bo, pa bu pudi fikaLei 3.20; Jos 21.44; 22.4; 23.1; Jer 6.16; Mat 11.28; Eb 4.1-11 diskansadu.”

15Moisés falal: “Si bu ka bai ku nos, ka bu mandanu mas dianti.

16Kuma ku algin pudi sibi kuma ami ku bu pobu no oja fabur na bu uju, si i ka manera ku bu na yandaNum 14.14; 23.9; Lei 4.7,34 ku nos? E ku na fasinu, ami ku bu pobu, pa no sedu diferenti di tudu utru pobu ku sta na mundu.”

17SIÑOR fala Moisés: “N na fasi kil ku buKum 19.21; Jon 16.23; Tia 5.16; 1 Jon 5.14-15 pidi, pabia bu oja fabur na ña uju; N kunsiu pa nomi.”

Moisés pidi Deus pa i mostral si gloria

18Moisés falal: “N pidiu pa bu mostran bu gloria.”

19Ma SIÑOR falal: “N na pui tudu ña bondadi pa i pasa dianti di bo. N na anunsiaKap 34.5-7; Rom 9.15,18,23 ña nomi bu dianti. Ami i SIÑOR. N na ten miserikordia di kin ku N misti ten; N na ten pena di kin ku N misti ten pena del.

20Bu ka na pudi oja ña rostu,Kap 33.11; 24.10; Kum 32.30; Lei 5.24; Ŝef 6.22 pabia kin ku oja ña rostu i ka na bibu.”

21SIÑOR fala mas: “Ali un kau lungu di mi. La ku bu na firma riba di pedra garandi.

22Ora ku ña gloria na pasa, N na pou na koba di ki pedra, N kubriu ku ña mon tok N kaba pasa.

23Dipus ku N tira ña mon, bu na oja ña kosta, ma ña rostu ka na ojadu.”