Ŝefis 11 - Portuguese Creole Bible, Guinea-Bissau

1Jeftá, jileadita, i seduba un soldaduKap 6.12; Eb 11.32 di koraẑen; si mame i minjer di mau vida. Si pape Jilead

2teneba fijus ku si propi minjer. Oca ki fijus garandi, e serkaKum 21.10; Lei 23.2 Jeftá, e falal: “Bu ka na yarda na kasa di no pape, pabia abo i fiju di utru minjer.”

3Jeftá kuri di si ermons, i bai mora na tera di Tob.2 Sam 10.6 Utru omis ku lebi kabesaKap 9.4; 1 Sam 22.2 e bai junta ku Jeftá, e ta yandaba ku el.

4I pasa sertu tempu, fijus di Amon bai geria kontra Israel.

5Garandis di Jilead bai buska Jeftá na tera di Tob,

6e falal: “Bin bu sedu no ŝef di gera pa no pudi geria kontra fijus di Amon.”

7Jeftá punta ki garandis di Jilead: “Nta bo ka staba kontra mi tok bo serkan na kasa di ña pape? Pabia di ke ku bo bin pa mi gosi ku bo foronta?”

8Garandis di Israel fala Jeftá: “Ke ku manda no bin nunde bo i pa bu bin ku nos, bu geria kontra fijus di Amon; bu ta sedu ŝef riba di tudu moraduris di Jilead.”

9Jeftá ruspundi garandis di Jilead: “Si bo ribantan pa N bai geria kontra fijus di Amon, si SIÑOR ntrega elis na ña mon, na bardadi N na sedu bo ŝef?”

10Garandis di Jilead e fala Jeftá: “SIÑOR na sedu tustumuñaKum 31.50; 1 Sam 12.5; Jer 42.5 na no metadi; no na fasi suma ku bu fala.”

11Asin Jeftá bai ku garandis di Jilead; pobu pul suma ŝef, tambi kumandanti di gera. I ripiti dianti di SIÑOR na MizpáKap 20.1; Jos 11.3 tudu ki falaba.

12Jeftá manda jinti pa rei di fijus di Amon pa puntal: “Ke ku ten na no metadi ku manda bu bin geria kontra ña tera?”

13Rei di fijus di Amon fala jinti di Jeftá: “Oca ku Israel na binba di Ejitu, i toman ña tera, desdi riu Arnon te riu Jabok, tambi te na Jordon. Tornan el sin gera.”

14Jeftá torna manda jinti pa rei di Amon

15pa e falal kuma, asin ku Jeftá fala: “Israel ka toma nin tera di MoabLei 2.9,19 nin di fijus di Amon,

16pabia, oca ku pobu di Israel sai na Ejitu, e yanda na lala te na Mar Burmeju, dipus e ciga na Kades.

17E manda jinti pa rei di EdonNum 20.14-21 pa pidil pa i ten pasensa, pa i disa elis pa e pasa na si tera, ma rei di Edon ka seta. E manda tambi rekadu pa rei di Moab, ma el tambi i nega. Asin Israel fika na Kades.

18“Dipus e yanda na lala, e boltia tera di edomeusNum 21.4,10-13 ku di moabitas, e ciga na ladu di lesti di Moab, e sinta na utru banda di riu Arnon, ma e ka yentra na tera di Moab, pabia ki riu Arnon i sedu se frontera.

19“Israelitas bin manda jinti pa Sion, rei di amoreus,Num 21.21-35 ku na renaba na Esbon, e pidil pa i ten pasensa, i disa elis pa e pasa na si tera te kau ke na bai,

20ma Sion ka fia disa elis pa e pasa na si tera; i junta tudu si tropas, i bai kampa na Jaaz, i geria kontra Israel.

21“SIÑOR Deus di Israel ntrega Sion ku tudu si tropas na mon di Israel, ku ngaña elis gera. Israelitas toma tudu ki tera na mon di amoreus ku moraba la.

22E tomal tudu desdi Arnon te na Jabok, desdi lala te na Jordon.

23“Asin i SIÑOR Deus di Israel ku tira amoreus dianti di si pobu Israel. Abo gora ku na bin toma ki tera?

24Nta bu ka ta guarda kil ku KemósNum 21.29 bu deus dau? Asin no na guarda tudu ku SIÑOR no Deus danu.

25Nta abo gora, bu mas minjor di ki Balak,Num 22.2 fiju di Zipor, rei di moabitas? Nta el i ciga di ranja purblema ku Israel, o i ciga di geria ku elis?

26Israel mora ja trizentus anu na EsbonNum 21.25-30; Lei 2.24; 3.2,6; Jos 12.2,5; 13.10 ku AroerJos 13.9 ku se tabankas, tambi na tudu prasas ku sta lungu di Arnon. Pabia di ke ku bu ka tomal na ki tempu?

27N ka yarau, ma abo bu na fasi mal, manera ku bu na geria kontra mi. SIÑOR ku seduKum 18.25; 1 Sam 24.12,15; Sal 50.6; 75.7 Juis, i na julga aos na metadi di fijus di Israel ku Amon.”

28Rei di Amon ka seta obi rekadu ku Jeftá mandalba.

29Spiritu di SIÑOR bin ribaKap 3.10 di Jeftá. I pasa na tera di Jilead ku Manasés, i toka na Mizpá di Jilead, i kontinua te nunde ku fijus di Amon kampaba.

30Jeftá fasi un purmesaKap 11.35; Num 30.2 pa SIÑOR, i fala: “Si bu dan fijus di Amon na ña mon,

31si N riba ku pas pa ña kau, purmeru ku sai na porta pa bin kontra ku mi i na sedu di SIÑOR; N na dal suma oferta kemadu.”

32Asin Jeftá kamba riu pa bai geria kontra fijus di Amon. SIÑOR ntrega elis na si mon.

33I ngaña garandi vitoria riba delis, i mata manga delis, i toma vinti prasa, desdi Aroer tok i ciga na Minit;Ez 27.17 i bai dianti te na Abel-Keramin. Asin fijus di Israel pui fijus di Amon bas delis.

34Oca ku Jeftá ciga na si kasa na Mizpá, si fiju femia sai, i na baja, pa bai kontra ku el, ku tambriña.Sai 15.20; Sal 68.25; 150.4; Is 5.12; Jer 31.4 El son ki padiba; i ka teneba nin utru fiju, nin macu nin femia.

35Oca ki ojal son, i rumpi si ropa, i falal: “A ña fiju! Bu kebran korson! Abo ku na pun pa N sta tristi. N fasi ja un purmesaKap 11.30; 21.1-7; Sal 15.4; Ekl 5.2-6; Mat 14.7-9 pa SIÑOR, N ka pudi riba tras.”

36I ruspundil: “Ña pape, bu fasi purmesa pa SIÑOR. Fasin suma ku bu fala, pabia SIÑOR judau pa bu vinga bu inimigus, fijus di Amon,

37ma bu ta fasin un fabur. Disan inda dus mis, pa N bai yanda na montis ku ña kumpañeris, pa cora manera ku N na muri sin kasa.”

38I falal: “Bai.” I disal bai pa dus mis; i bai ku si kumpañeris pa montis, i cora manera ki na muri sin kasa.

39Oca ki dus mis kaba, i riba nunde si pape. Kila bai fasi sumaSir 27.28-29; 1 Sam 1.11,22-28 ki falaba. Asin i muri sin i ka kasadu. I bin sedu kustumu na Israel,

40pabia kada anu bajudas di Israel ta sai kuatru dia pa lembra di fiju di Jeftá di Jilead.