Ebreus 6 - Portuguese Creole Bible, Guinea-Bissau

1Asin no ten ku disa kumsadaKap 5.12; Fil 3.12-14 di nsinamentu aserka di Kristu, no bai dianti pa nsinamentu mas kompletu. Ka no torna pui alisersu di ki purmeru nsinamentu, di ripindi di kusas ku no ta fasi ku ta tisi mortu, di fe na Deus,

2di nsinamentuAt 6.6; 19.4-5; 24.25; 1 Kor 15.20-21; Apok 20.10-15 di batismus, di pui mon riba di algin pa bensual, di resureison di mortu, ku di kastigu ku ka ta kaba.

3Asin ku no ten ku fasi, si Deus disanu.

4Kilis ku ciga di risibiKap 10.32 lus di Deus, ku sinti gustu ja di kil ku Deus danu di seu, ku toma parti na Spiritu Santu,

5ku spurmenta kuma palabra di Deus i bon, ku sinti forsa di mundu ku na bin bin,

6si dipus e bin kai, e ka ta pudi lebadu utru bias pa ripindimentu, pabia ku se mon propi e na krusifikaKap 10.29 Fiju di Deus utru bias, e na pui pa jinti fasi trosa del.

7Deus ta mostra si bondadi pa con ku ta bibi yagu di cuba ku ta kai riba del manga di bias, i ta da bon planta ku bali pa kil ku labral,

8ma con ku ta pruduzi pe di spiñuKum 3.17-18 ku paja brabu i ka bali nada. I pertu pa Deus maldisual; na kabantada i na kemadu.

9Mesmu ku no fala asin, ña kiridu amigus, no na pera kusas minjor di bos, kusas ku ta kumpaña salbason.

10Deus i ka injustu pa diskisi di bo tarbaju, ku amor ku bo mostra pa el, manera ku bo sirbiMat 10.42; 25.40 si pobu, suma ku bo na fasi te gosi.

11I no vontadi pa kada un di bos mostra mesmu interes te naKap 3.6,14 fin, pa bo pudi yangasa kusas ku bo na pera.

12No ka misti pa bo bin sedu prigisosu, ma pa bo remenda kilis ku na risibi kil ku DeusKap 10.36 purmiti, pabia di se fe ku pasensa.

Deus ta kumpri si purmesa

13Oca ku Deus fasi si purmesa pa Abraon, suma ki ka teneba utru algin mas garandi pa jurmenta nel, i juraKum 22.16-17 pa si kabesa,

14i fala: “N jurmenta kuma N na dau garandi benson; N na buri bu jorson ciu.”

15Abraon pera ku pasensa, i yangasa kil ku Deus fala i na da.

16Si un algin jurmenta, i ta jurmenta na nomi di utru ku sedu mas garandi di ki el. Juramentu i un kusa sertuKum 31.53; Jos 9.15-20 ku ta kaba ku tudu palabra.

17Asin Deus misti mostra klaru pa kilis ku na risibi kusa ki fala i na da, kuma, kusa ki tene na sintidu ka na maina. E ku manda i papia ku juramentu.

18Asin i ten e dus kusa ku ka pudi maina, ku Deus ka pudi konta mintida pa el, ku ta danu koraẑen, anos ku sta suguru, manera ku no pega na speransa ku sta no dianti.

19No ten e speransa suma feru di fundia ku ta sugura no alma firmi. I ta yentraKap 9.7 te dentru di kurtina di seu

20nunde ku Jesus bai dianti di nos, i yentra la pa no fabur. I fasidu Ŝef di SaserdotiKap 4.14; 9.24 ntidu, konformi yardansa di Melkisedek.