2 Reis 8 - Portuguese Creole Bible, Guinea-Bissau

Minjer di Sunen riba pa si tera

1Eliseu papia ku ki minjer ki lantanda si fijuKap 4.32-35 di mortu, i falal: “Lanta, bu bai ku bu familia, bu bai buska un tera nunde ku bu pudi fika nel, pabia SIÑOR na manda fomiKum 41.29-30; 1 Re 17.1; Aẑeu 1.10-11 ne tera pa seti anu.”

2Minjer lanta i fasi konformi palabra di omi di Deus; i bai ku si familia, i fika na tera di filisteus pa seti anu.

3Oca ku ki seti anu kaba, minjer riba di tera di filisteus, i bin bai pa rei pa bai pidil pa i pudi tornadu si kasa ku si terenu.

4Na ki ora rei na papiaba ku Jeazi, rapas di omi di Deus, i pidil pa i kontal aserka di tudu milagris ku Eliseu fasiba.

5Oca ku Jeazi na konta rei aserka di mininu ku Eliseu lantandabaKap 4.35 di mortu, ki minjer ciga pa fala ku rei aserka di si kasa ku terenu. Jeazi fala: “Ñu Rei, es i ki minjerRom 8.28 propi; ala si fiju propi ku Eliseu lantanda di mortu!”

6Rei punta minjer; minjer kontal tudu. Rei ntrega kasu na mon di un funsionariu, i falal: “Bu ta bai jubi, pa tudu kil ki di sil pudi tornadu, ku tudu renda di terenu disna di dia ki sai ne tera te gosi.”

Azael mata Ben-Adad

7Eliseu bai Damasku oca ku Ben-Adad, rei di Siria, staba duenti. Jinti fala rei: “Omi di Deus ciga li.”

8Rei fala Azael: “Toma un pursenti na bu mon, bu bai kontra ku omi di Deus, pa i pudi punta SIÑOR si N na bin san ne duensa.”

9Azael1 Re 19.15 toma un pursenti1 Sam 9.7 di korenta kamelu kargadu di tudu bon kusas ku pudi ojadu na Damasku, i bai pa Eliseu, i yentra i firma si dianti, i falal: “Bu fiju Ben-Adad, rei di Siria, i mandan pa N puntau si i na sanKap 1.2,6 di si duensa.”

10Eliseu falal: “Bai falal kuma, di sertesa i ka na san, pabia SIÑOR mostran kuma i na muri, i ka na maina.”

11I finkal uju, i jubil ku rostu ruñu tok Azael burguñu. Omi di Deus kumsa na cora.

12Azael puntal: “Siñor, ke ku manda bu na cora?” I fala: “Pabia N sibi mal ku bu na bin fasiKap 10.32-33; 12.17; 13.3,7,22; Am 1.3-4 fijus di Israel. Bu na pui fugu na se lugaris forti, bu na mata se jovens ku spada, bu na padasa se mininus, bu na yabri bariga di preñadas.”

13Azael falal: “Ami i ka ningin, N sta suma1 Sam 17.43 kacur. Nunde ku N pudi ten forsa pa fasi un kusa garandi suma kila?”

Eliseu falal: “SIÑOR mostran kuma bu na sedu rei1 Re 19.15 di Siria.”

14Azael bai, i riba pa si mestre. Kila puntal: “Ke ku Eliseu falau?” I ruspundil: “I falan kuma, di sertesa bu na san.”

15Ma mansi di ki dia, Azael toma un manta, i mojal na yagu, i kubril rostu; i muri. Azael rena na si lugar.

Jeoran, rei di Judá(2 Kron 21.1-20)

16Na kintu anu di Joran,Kap 1.17; 3.1 fiju di Akab, rei di Israel, oca ku Jeosafá na renaba inda na Judá, si fiju Jeoran1 Re 22.50; Mat 1.8 kumsa na rena

17ku idadi di trinta i dus anu; i rena oitu anu na Jerusalen.

18I yanda na kamiñu di reis di Israel, suma ku familia di Akab fasiba, pabia i kasabaKap 8.26 fiju di Akab; i fasi mal dianti di SIÑOR.

19SIÑOR ka mistiba kaba ku Judá pa amor diKap 19.34; 1 Re 11.13,36 si servu Davi, manera ki falalba kuma i na da un lus pa el ku si jorson pa sempri.

20Na tempu di Jeoran, EdonKum 27.40; 2 Sam 8.14 lanta kontra Judá, pa kila ka manda mas nelis; e kuji se propi rei.

21Asin Jeoran bai ku tudu si karus pa Zair. Tropas di Edon bin taja elis. I lanta di noti, i oja kamiñu pa pasa na se metadi, ku si kapitons di karu. Si tropas kuri pa se kasas.

22Asin Edon fika libri di Judá te aos. Na mesmu tempu LibnaJos 10.29 lanta tambi kontra Judá.

23Tudu utru kusas ku pasa na renansa di Jeoran, ku tudu ki fasi, e sta skritu na libru di Storia di Reis di Judá.

24I bin diskansa, i nteradu lungu di si papes na prasa di Davi. Si fiju Akazias1 Kron 3.11 rena na si lugar.

Rei Akazias di Judá(2 Kron 22.1-6)

25Na anu 12 di renansa di Joran, fiju di Akab, rei di Israel, Akazias, fiju di Jeoran, rei di Judá, kumsa rena

26ku vinti i dus anu di idadi; i rena un anu na Jerusalen. Si mame seduba Atâlia,Kap 8.18; 11.1,13-16 netu di Onri, rei di Israel.

27I yanda na kamiñu di familia di Akab, i fasi mal dianti di SIÑOR suma ku elis e fasiba, pabia si pape kasaba fiju di Akab.

28I bai ku Joran, fiju di Akab, pa Ramot-Jilead,Jos 20.8 pa geria kontra Azael, rei di Siria. Sirianus molosta Joran;

29i riba pa Jizreel pa bai kura molostus ki paña na gera na Ramá kontra Azael, rei di Siria. Akazias, fiju di Jeoran, rei di Judá, i bai Jizreel pa visitaKap 9.15-16 Joran, fiju di Akab, manera ki staba duenti.