Zaburi 130 - Kinyarwanda Catholic Bible with DC

Gusaba imbabazi z’ibyaha

1Indirimbo y’amazamuko.

Uhoraho, ndagutakambira ngeze kure,

2Uhoraho, umva ijwi ryanjye.

Utege amatwi ijwi ry’amaganya yanjye!

3Uhoraho, uramutse witaye ku byaha byacu,

Nyagasani, ni nde warokoka?

4Ariko rero usanganywe imbabazi,

kugira ngo baguhoranire icyubahiro.

5Nizeye Uhoraho n’umutima wanjye wose,

nizeye ijambo rye.

6Umutima wanjye urarikiye Uhoraho

kurusha uko umuraririzi ategereza umuseke,

rwose kurusha uko umuraririzi ategereza umuseke.

7Israheli niyizere Uhoraho,

kuko ahorana imbabazi,

akagira ubuntu butagira urugero.

8Ni we uzakiza Israheli

ibicumuro byayo byose.