Zaburi 23 - Kinyarwanda Catholic Bible with DC

Uhoraho, umushumba mwiza

1Ni zaburi iri mu zo bitirira Dawudi.

Uhoraho ni we mushumba wanjye,

nta cyo nzabura!

2Andagira mu rwuri rutoshye,

akanshora ku mariba y’amazi afutse,

maze akankomeza umutima.

3Anyobora inzira y’ubutungane,

abigiriye kubahiriza izina rye.

4N’aho nanyura mu manga yijimye

nta cyankura umutima, kuko uba uri kumwe nanjye,

inkoni yawe y’ubushumba intera ubugabo.

5Imbere yanjye uhategura ameza,

abanzi banjye bareba,

ukansiga amavuta mu mutwe,

inkongoro yanjye ukayisendereza.

6Koko ineza n’urukundo byawe biramperekeza,

mu gihe cyose nzaba nkiriho.

Nanjye rero nzaza niturire mu Ngoro y’Uhoraho,

abe ari ho nibera iminsi yose.