Псалми 110 - Свето Писмо (Гаврилова) 1990(MK1990)

Благодарствена песна за духовните и телесните дарови Божји.

1Ќе Те славам, Господи, од сѐ срце во советот на праведните и во собранието.

2Големи се делата на Господа, кои се создадени по Неговата волја.

3Неговото дело е слава и великолепие, а правдата Негова вечно ќе постои.

4Незаборавни ги направи чудесата Свои, милостив и штедар е Господ.

5Им дава храна на оние, кои се бојат од Него; вечно го помни заветот Свој.

6Силата на делата свои му ја покажа на Својот народ, за да му ги даде незнабожците во наследство.

7Делата на рацете Негови се вистина и суд; и верни се сите заповеди Негови,

8утврдени засекогаш, засновани врз вистина и правда.

9Он му испрати избавување на Својот народ; засекогаш го установи Својот завет. Свето е и страшно името Негово.

10Почеток на мудроста е стравот од Господа; здрав разум имаат сите, кои според неа постапуваат. Похвалата Негова пребива вечно.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help