Откровение 6 - Свето Писмо: Стандардна Библи?а 2006 (со девтероканонски книги)（MK2006D）

Отворање на првите шест печати

1И видов кога Јагнето скрши еден од седумте печати, и чув едно од чети­рите животни кое проговори како со глас на грмотевица: „Дојди и види!“

219,11; Зах 1,8-10; 6,1-3И видов, ете, бел коњ, и на него ја­вач со лак; и Му беше даден венец, и тој излезе како победник, за да победи.

3А кога го извади вториот печат, го чув како проговори второто животно: „Дојди и гледај!“

4Ез 21,13-15И излезе друг коњ, црвен; и на јавачот му беше дадено да го одземе мирот од земјата, та еден со друг да се убиваат; и му беше даден голем меч.

5Зах 6,2А кога се отвори третиот печат, чув како проговори третото животно: „Дојди и види!“ И видов, ете вран коњ, а на него јавач со мерила во раката своја.

6И чув глас сред четирите животни, кој зборуваше: „Шиник пченица за де­нариј, и три шиника јачмен за денариј; а растителното масло и виното ќе ги нема!“

7И кога се раскрши четвртиот печат, го чув гласот на четвртото животно кое рече: „Дојди и гледај!“

81,18; Ер 14,12; 15,3; Ез 5,12.17; Ос 13,14И видов. И ете сив коњ, а на него јавач, чие име беше смрт; и адот врвеше по него, и му се даде власт над четвртина од земјата – да убива со меч и глад, со помор и земни ѕверови.

920,4А кога го симна петтиот печат, под жртвеникот ги видов душите заклани заради словото Божјо и за сведоштвото, што го имаа

1011,18; 18,20; 19,2; 5 Мојс 32,43; 4 Цар 9,7; Зах 1,12; Пс 78,10; Лк 18,7и викаа со висок глас, велејќи: „До кога, Севишен, свети и вистинити, нема да судиш и да им се одмаздуваш за на­шата крв на оние што живеат на земјата?“

113,5.18И на секого од нив им се дадоа бели облеки, и им се рече да починат уште малку време, додека не се дополни бројот на нивните сотрудници и браќа, што ќе бидат убиени, како и тие.

12Ис 13,10; 50,3; Јоил 3,3; Мт 24,29; Дела 2,20

8,12; Јоил 2,10; Мт 24,29И видов, кога се крена шестиот печат. И, ете, настана голем земјотрес, и сонцето стана црно како вреќа од кострет, и месечината стана како крв;

13Ис 34,4ѕвездите, пак, небесни паднаа на земјата, како што смоквата лулана од силен ветар, ги исфрла пупките свои;

1416,20и небото исчезна како свиткана хар­тија, и секоја гора и секој остров се по­местија од местата свои;

15Ис 2,10.19.21; Ер 4,29и царевите земни, и благородни­ци­те, и богатите, и војводите, и силните, и секој роб и слободен се скрија во пеш­те­ри и горски камењари,

164,2; Ис 2,10.19; Ос 10,8; Лк 23,30велејќи им на планините и на кар­пите: „Паднете врз нас и скријте нѐ од лицето на Оној Кој седи на престолот и од гневот на Јагнето,

17Јоил 2,1.11; 3,4; Мал 3,2; Рим 2,5зашто дојде големиот ден на Не­го­виот гнев, и кој може да опстане?“