1 Царства 21 - Свето Писмо: Стандардна Библи?а 2006 (со девтероканонски книги)（MK2006D）

1 22,9.11.19; Ис 10,32; Неем 11,32 Давид дојде во Нов кај свештеникот Ахимелех, и Ахимелех се збуни, кога се сретна со Давид, па му рече: „Зошто си сам? И зошто нема никој со тебе?“

Давид во Нов кај свештеникот Ахимелех

2Давид му рече на свештеникот Ахи­мелех: „Царот ми даде заповед, велејќи: ‚Никој нека не знае, за што сум те ис­пратил и што сум ти порачал‘ затоа ги оставив слугите свои на определено место;

3а сега дај ми што имаш при рака, пет леба, или што ќе се најде.“

42 Мојс 19,15; 3 Мојс 24,5-9Свештеникот му одговори на Давид, рече: „Немам при рака обичен леб, туку имам осветен леб. Само, ако твоите лу­ѓе се воздржале од жени, нека јадат.“

5Тогаш Давид му одговори на свеш­теникот и му рече: „Жени кај нас немаше како и секогаш, кога одиме во поход, и садовите на момчињата се чисти. И ако патот е нечист, сепак ле­бот ќе остане чист во садовите.“

622,9; 2 Мојс 25,30; 1 Лет 9,32; Мт 12,3-4; Мк 2,25-26Свештеникот му даде од осветениот леб, бидејќи немаше друг леб освен лебовите принесени на жртвеникот што беа земени пред лицето на Господ, та по симнувањето нивно да се стават топли лебови.

7Тој ден таму се наоѓаше еден од слугите Саулови, по име Доег, Едомец, началник на Сауловите овчари.

8Давид му рече на Ахимелех: „Не­маш ли тука при рака копје или меч? Зошто јас не зедов со себе ниту меч, ниту друго оружје, бидејќи пораката на царот беше итна.“

917,2.51Свештеникот одговори: „Ете го мечот на Филистеецот Голијат, кого го уби ти во Теревинтската Долина, завит­кан во платно, зад ефодот; ако сакаш, земи го: освен него тука нема друг меч.“ (И му го даде.)

10Давид стана и избега истиот ден од Саул, и дојде кај гатскиот цар Анхус.

Давид кај Филистејците од Гет

11 18,7; 29,5 Му рекоа на Анхус слугите негови: „Овој ли е Давид, царот на онаа земја? Нели му пееја нему луѓето, велејќи: ‚Саул порази илјади, а Давид – десетици илјади?‘“

12Давид ги стави тие зборови во срцето свое и многу се исплаши од Анхус, царот на Гет.

13Пс 33,1Тогаш го измени лицето свое пред нив, и се преправаше дека е умоболен пред очите нивни и удираше по вратите, се фрлаше на рацете свои и пушташе лиги по брадата своја.

144 Цар 9,11; Ер 29,26; Ос 9,7Анхус им рече на робовите свои: „Гледате, овој човек е луд; зошто сте го довеле при мене?

15Зар малку луди имам кај себе, та сте го довеле да лудува пред мене? Зар тој ќе влезе во куќата моја?“