Еремија 11 - Свето Писмо: Стандардна Библи?а 2006 (со девтероканонски книги)（MK2006D）

Јудејците го прекршија Божјиот завет

1Слово Господово до Еремија:

2Чујте ги зборовите на овој завет и кажете им на луѓето од Јудеја и на еру­салимските жители;

35 Мојс 27,26; Гал 3,10и речи им: вака вели Господ, Бог Из­раилев – проклет да е оној човек кој нема да ги послуша зборовите на овој завет,

47,23; 24,7; Јн 10,27; 5 Мојс 4,20; 7,6; Ез 14,11што им ги заповедав Јас на предците ваши, кога ги изведов од египетската земја, од железната печка, велејќи: чуј­те го гласот Мој и правете што ќе ви за­поведам – па ќе бидете Мој народ, и Јас ќе бидам ваш Бог,

55 Мојс 11,8-9; Пс 104,8-11за да се исполни клетвата, со која им се заколнав на предците ваши – да им дадам земја, каде што тече мед и млеко, како што е сега. Па одговорив и реков: така нека биде, Господи!

6И ми рече Господ: објави ги сите овие зборови по градовите на Јуда и по ерусалимските улици, и речи: слушајте ги зборовите на овој завет и исполнувај­те ги.

7Зашто Јас постојано им напомнував на предците ваши од оној ден, кога ги изведов од египетската земја, па сѐ до денес; и им зборував од рано утро, ве­лејќи: слушајте го гласот Мој.

8Но тие не слушаа и не внимаваа, ту­ку одеа секој според тврдокорноста на своето лошо срце; затоа испратив врз нив сѐ што е речено во овој завет, кој им го заповедав да го исполнуваат, но тие не го исполнуваа.

9И ми рече Господ: има бунт меѓу лу­ѓето на Јуда и жителите на Ерусалим;

10тие се вратија кон беззаконијата на своите прадедовци, кои се откажаа да ги слушаат зборовите Мои, па тргнаа по туѓи богови, за да им служат. Домот на Јуда и домот на Израил го нарушија Мојот завет, што го бев склучил со тат­ковците нивни.

1119,3; 3 Цар 14,10Затоа вака вели Господ: еве, ќе ис­пратам врз нив зло, од кое не ќе можат да се избават, и кога ќе повикаат кон Мене, нема да ги чујам.

12Тогаш градовите на Јуда и жи­те­ли­те на Ерусалим ќе појдат и ќе повикаат кон боговите, на кои им кадат; но тие нема да им помогнат во времето на не­волјата.

13Зашто, коку градови имаш, Јудо, толку имаш и богови, и колку улици има во Ерусалим, толку жртвеници подигнавте на она што е срамно, жрт­ве­ници за кадење на Ваал.

147,16; 14,11; 2 Мојс 32,10Но ти немој да молиш за тој народ и не упатувај за нив молитви и молби; бидејќи нема да ги чујам, кога во неволјата своја ќе повикаат кон Мене.

157,11; Ис 1,12Што бара Мојата сакана во домот Мој, кога извршува многу срамни ра­бо­ти? Зар жртвуваното месо ќе ти по­мог­не? Зар со тоа ќе се фалиш?

16Ос 14,7; Пс 51,8Зелена маслина те нарече Господ, која се украсува со убави плодови. А се­га, при шумот на големиот смут, Тој за­пали оган околу неа и гранките нејзини изгореа.

17Господ Саваот, Кој те посади, пресуди за тебе зло поради злото на домот Израилев и на домот Јудин, што го на­правија со тоа што Ме разгневија со ка­дењето свое на Ваал.

Заговор против Еремија

18Господ ми откри, и јас знам; ти ми ги покажа нивните зли дела.

19Ис 53,7; Пс 108,13; Сир 41,11Јас, пак, како кротко јагне, водено на клање, и не знаев дека тие смислува­ат заговор против мене, велејќи: „Да го уништиме дрвото сосе плодот, и да го истргнеме од земјата на живите, така што ни името негово веќе да не се спо­менува.“

201 Птр 2,23; 1 Сол 2,4; Откр 2,23Но Ти, Господи Саваоте, праведен Судијо, Кој ги испитуваш срцата и ут­робите, допушти да ја видам Твојата од­мазда врз нив, бидејќи Тебе ти го до­ве­рив своето дело!

21Затоа така вели Господ, за луѓето од Анатот, кои сакаат да ја одземат ду­шата твоја и кои велат: не пророкувај во името на Господ, за да не умреш од рацете наши;

22поради тоа вака вели Господ Са­ва­от: еве, Јас ќе ги посетам; младите нив­ни ќе умрат од меч; синовите и ќерките нивни ќе умрат од глад.

239,9; 36,29И нема ништо да остане од нив, зашто ќе испратам зло врз анатотците во годината, кога ќе ги посетам.