Сирахова 23 - Свето Писмо: Стандардна Библи?а 2006 (со девтероканонски книги)（MK2006D）

1Господи, Оче небесни и Гос­по­даре на мојот живот, не оставај ме на нивната волја, не оставај поради нив да пропаднам.

2Пс 140,5Кој ќе им биде камшик на моите мисли и на срцето мое – учител за муд­рост, та да биде немилосрден спрема мои­те постапки и да нема милост кон нивните заблуди;

3та гревовите мои да не се нам­но­жу­ваат, и заблудите мои да не станат мно­гу, та да паднам пред моите противници и да се радуваат моите непријатели.

41 Мојс 39,7; Пс 130,1; Јов 31,1; Мт 5,28Господи, Оче и Боже на животот мој, не давај очите мои да се возгордеат,

5отстрани ги од мене сите грешни желби.

6Желбите на стомакот и на сладострастите да не надвладеат над мене, на душа бесрамна не предавај ме.

Да се биде господар над сопствените зборови: а) Клетвите

7 Јк 3,1-12 Чујте, чеда, за устата поука: кој ја пази – нема преку неа да биде уловен.

8Грешникот преку неа ќе биде уло­вен; преку неа ќе се сопнат неразумните и горделивите.

9Мт 5,34; 23,20; Јк 5,12Не навикнувај ја устата твоја на клетва. Колнејќи се, не изговарај го името на Светиот.

1042,5; Лк 12,47-48Како што робот кога постојано го казнуваат, од рани не се ослободува, та­ка и оној што постојано се заколнува со името на Светиот, од грев нема да се очисти.

113 Мојс 5,17-18; 4 Мојс 15,28; Изреки 6,19; 24,28Човек којшто често се колне, со без­законие се исполнува; од домот не­гов бичот не отстапува.

12Ако згреши, гревот негов останува врз него; а ако, пак, не се грижи, двојно согрешува.

13Ефес 5,4Ако напразно се колнел, нема да му се прости; полн со неволји домот ќе му биде.

б) говорот

14 Ер 20,14; Јов 3,3 Има говор сличен на смрт; него да го нема во наследството на Јаков!

15Сето тоа далеку да биде од по­бож­ните луѓе, за да не се валкаат во своите гревови.

16На одвратна бесрамност не учи ја устата твоја, зашто во неа ќе има греш­ни зборови.

17Изреки 9,16-17Кога седиш меѓу големци, спомнувај си за татко си и мајка си,

18Јов 24,15та да не се заборавиш пред нив и не­волно да направиш глупост, па да посакаш да не си се родил и да го проколнуваш денот на твоето раѓање.

1915,18-19; 17,19-20; Изреки 5,21; 15,3.11Оној што ќе се навикне на срамни зборови, нема да се поправи додека е жив.

Сексуалната распуштеност а) Развратен човек

20 Пс 138,1-12; Изреки 8,22 Две работи гревовите ги намно­жу­ваат, а третата предизвикува гнев.

213 Мојс 20,10; Ез 16,40Жешката душа како оган гори; нема да се смири додека не изгори:

22Оној што блудствува во своето те­ло, нема да престане сѐ додека огнот не прегори.

232 Мојс 20,14; 5 Мојс 5,18На блудникот секоја храна му е вкусна; сѐ додека не умре – нема да престане.

245 Мојс 23,1Оној што прељуба прави, во себеси вели: „Кој ќе ме види:

25Мудр 3,16; 4,3наоколу темнина, ѕидовите ме со­криваат; никој не ме гледа. Од што ќе се плашам? Севишниот нема да се сети за моите гревови.“

26Изреки 10,7Само од човечки очи тој има страв,

2746,10; Проп 12,13а не знае дека очите на Господа де­сет илјади пати се посветли од сонцето:

28ги гледаат сите човечки патишта, во сите скришни места проникнуваат.

29Нему Му е познато сѐ пред да биде создадено, како и по создавањето.

30Таквиот човек казна ќе го стаса на градските улици, таму каде што и не помислувал.

б) жена прељубница

31Така и жена, која го оставила ма­жот свој и од туѓ маж наследник му ро­дила,

32прво, затоа што не го послушала за­конот на Севишниот, второ, што на ма­жот свој му згрешила и, трето, што со прељуба се извалкала и со туѓ маж деца изродила;

33таа пред собир народен ќе биде из­ведена и за децата нејзини ќе биде ис­прашувана.

34Децата нејзини корен нема да пуш­тат, гранките нејзини не ќе дадат плод.

35По себе ќе остави спомен на прок­летство; срамот нејзин нема да се из­брише.

36Ќе разберат сите што ќе останат по неа дека од стравот Господов ништо по­добро нема и ништо послатко од из­вр­шувањето на Божјите заповеди.

37(Голема слава е – да се оди по Гос­пода, а кога си примен од Него – долг живот ќе имаш.)