Еремија 52 - Свето Писмо: Стандардна Библи?а 2006 (со девтероканонски книги)（MK2006D）

Пропаста на Ерусалим

1 4 Цар 24,18-20; 2 Лет 36,11-13 Седекија беше на дваесет и една година, кога почна да царува, и царуваше во Ерусалим единаесет години; името на неговата мајка беше Ха­му­тал, ќерка на Еремија од Ливна.

222,13-17И тој вршеше зло пред очите на Гос­под, сето она што го правеше и Јоаким;

3поради тоа гневот Господов се нафрли врз Ерусалим и врз Јуда, додека ги отфрли од лицето Свое. А Седекија се одметна од вавилонскиот цар.

439,1-10; 4 Цар 25,1-21.27-30И во деветтата година од царувањето негово, во десеттиот месец, во десеттиот ден од месецот, дојде Навуходо­но­сор, вавилонскиот цар, тој и сета негова војска против Ерусалим, го опседна и подигна околу него насипи.

5И остана градот опсаден до единаесеттата година на царот Седекија.

6Во четвртиот месец, во деветтиот ден од месецот, се засили гладот во гра­дот, и народот во земјата немаше леб.

7Непријателот продре во градот и си­те војници избегаа од градот ноќе низ портите, што се наоѓаа меѓу двата ѕида до царската градина, па отидоа по патот кон долината на Јордан; а Халдејците беа околу градот.

8Но халдејската војска изврши поте­ра по царот, и го стигна Седекија во ерихонските рамнини, и сета војска не­гова се разбега од него.

9И го фатија царот и го доведоа пред вавилонскиот цар во Ривла, во земјата Хамат, каде што му беше судено.

10И така ги закла вавилонскиот цар синовите на Седекија пред очите не­го­ви, ги закла и сите кнезови јудејски во Ривла;

1132,5; Ез 12,13а на Седекија му ги извади очите и заповеда да го оковат во окови; па го одведе вавилонскиот цар во Вавилон и го стави во затвор до денот на неговата смрт.

12Во петтиот месец, во десеттиот ден од месецот, тоа беше деветнаесеттата година на вавилонскиот цар Навухо­до­носор, дојде во Ерусалим Навузардан, началникот на телохранителите, кој му слу­жеше на царот вавилонски,

1317,27; 37,8; 39,8; Ез 16,41и го запали домот Господов, цар­­­киот дом и сите куќи во Ерусалим, и си­те големи куќи со оган ги изгори.

14И сета војска халдејска, која беше со началникот на телохранителите, ги урна сите ѕидови околу Ерусалим.

15Навузардан, началникот на тело­хранителите, ги исели бедните и други­от народ, што беше останал во градот, и одметниците, што му се предадоа на ва­вилонскиот цар, и воопшто сиот прост народ.

16Само неколкумина од бедните во земјата, Навузардан, началникот на телохранителите, ги остави како лозари и земјоделци.

17Халдејците ги испокршија и брон­зе­ните столбови, што беа во домот Гос­по­дов, и подножјата, и бронзеното море, што беше во домот Господов, па го од­несоа сиот бронзен прибор во Вавилон.

18И ги зедоа котлите, лопатките, но­жевите, чашите, лажиците и сите брон­зени садови што се употребуваа при бо­гослужбата;

19началникот на телохранителите ги зеде и умивалниците, и машичките, и чашите, и котлињата, и кандилцата, и секачите, сѐ што беше од злато и што беше од сребро;

20исто така, и двата столба, едно мо­ре, дванаесет бронзени волови кои слу­жеа како подножја, што царот Соломон ги направи во домот Господов; бронзата на сите тие предмети не можеше да се процени.

21Секој од тие столбови беше висок по осумнаесет лакти, а врв од дванаесет лакти ги опкружуваше, одвнатре беше шуплив, а страните му беа дебели че­ти­ри прсти.

22И имаше над него бронзена глава, а главата беше висока пет лакти; и мре­жичката и наровите наоколу беа сите од бронза; исто така и другиот столб бе­ше со нарови.

23Наровите од сите страни беа де­ве­десет и шест; а сите нарови околу мре­жичката – сто.

24Началникот на телохранителите го зеде исто така Сераја, првосвеш­те­ни­кот, и Софонија, вториот свештеник, и трите чувари на прагот.

25А од градот зеде еден дворјанин, кој беше началник над војниците, и седум мажи, кои му служеа на царот, кои се наоѓаа во градот, и главниот писар во војската, кој го запишуваше народот од земјата за војска, како и шеесет мажи, од народот во земјата, кои се најдоа во градот.

26И ги зеде Навузардан, началникот на телохранителите, и ги одведе кај ва­ви­лонскиот цар во Ривла.

27Плач 1,3И ги уби вавилонскиот цар и ги по­губи во Ривла, во земјата Хамат; и така Јуда беше иселен од својата земја.

Поробување на Јудејците

28Еве го народот, кој Навуходоносор го исели: во седмата година – три илјади дваесет и тројца Јудејци.

29Во осумнаесеттата година на На­ву­ходоносор од Ерусалим беа иселени осумстотини триесет и две души.

30Во дваесет и третата година на Навуходоносор, Навузардан, начал­ни­кот на телохранителите, исели седум­сто­тини четириесет и пет души Јудејци; сѐ на сѐ – четири илјади и шестотини ду­ши.

Ослободување на царот Јоаким

31Во триесет и седмата година по прогонството на јудејскиот цар Јоаким, во дванаесеттиот месец, во дваесет и петтиот ден од месецот, Евил-Меродах, цар вавилонски, во првата година од своето царување, го помилува јудеј­ски­от цар Јоаким и го изведе од затвор.

32И откако пријателски си поразгова­раа, го постави престолот негов повисо­ко од престолите на другите цареви, што беа кај него во Вавилон;

33и му ги смени затворските облеки, па тој секогаш со него јадеше во сите дни од животот свој.

34И трошоците негови, разните по­треби, му се даваа од царот секој ден до денот на неговата смрт, во текот на сите денови од неговиот живот.