Броеви 3 - Свето Писмо: Стандардна Библи?а 2006 (со девтероканонски книги)（MK2006D）

Задолженијата на Левиевото колено

1 2 Мојс 6,27; 19,11 Ова е родословот Аронов и Мојсеев, во оној ден кога му говореше Господ на Мојсеј на планината Синај.

226,60; 2 Мојс 6,23; 28,1Еве ги имињата на синовите Аро­нови: првенецот Надав, Авиу, Елеазар и Итамар.

32 Мојс 30,30; 3 Мојс 8–9Тоа се имињата на Ароновите сино­ви, помазани за свештеници, кои тој ги посвети за да свештенодејствуваат.

43 Мојс 10,1-7Но Надав и Авиу умреа пред Гос­под, кога донесоа туѓ оган пред Господ во Синајската Пустина, а немаа деца; Елеазар, пак, и Итамар останаа како свештеници кај татко си Арон.

5И му рече Господ на Мојсеј, велејќи:

65 Мојс 10,8; 31,9; 1 Лет 15,2; 2 Лет 29,11„Доведи го Левиевото племе и пос­тави го при свештеникот Арон, за да му служат;

73 Мојс 8,35и тие нека му служат на него и на целото општество израилско при ски­нијата на собранието, извршувајќи ги службите при скинијата;

8и да ги пазат сите сосуди во скинијата на собранието и да бидат на служба за синовите израилски во врска со сите работи што се вршат околу скинијата.

9И дај му ги левитите на Арон, (твојот брат), и на синовите негови, (свеш­тениците); нека им бидат тие дадени како дар од синовите израилски.

102 Мојс 29,9; 30,7А Арон и неговите синови постави ги (над скинијата на собранието) за да ја чуваат својата свештеничка служба (и сѐ што е покрај жртвеникот и позади завесата); а ако некој надворешен се доближи, да биде убиен.“

11И му рече Господ на Мојсеј, ве­леј­ќи:

122 Мојс 13,2.11-14; Мал 2,4; Неем 13,29„Ете, Јас ги зедов левитите меѓу синовите израилски наместо сите прво­родени од синовите на Израил, што отвораат утроба (ќе бидат нивен откуп); левитите ќе бидат Мои,

138,16-26; 2 Мојс 13,1-16; 3 Мојс 11,44бидејќи сите првородени се Мои; во денот, кога ги убив сите првородени во египетската земја, Јас ги осветив за Себе сите провородени во Израил – од човек до добиток: тие треба да бидат Мои. Јас сум Господ.“

Прво пребројување на Левиевото колено

14 2 Мојс 19,1 И му рече Господ на Мојсеј во Си­најската Пустина, велејќи:

1526,57-62„Преброј ги Левиевите синови спо­ред семејствата нивни и според родо­вите нивни; преброј сѐ од машки пол од еден месец, и нагоре!“

16И ги преброи Мојсеј (и Арон) спо­ред зборовите Господови, како што беше заповедано.

171 Мојс 46,11Еве ги Левиевите синови според имињата нивни: Гирсон, Каат и Мера­риј.

18А ова се имињата на Гирсоновите синови според родовите нивни: Ливниј и Семеј.

19И синовите на Каат според родо­вите нивни: Амрам и Јицхар, Хеврон и Узиил.

20И синовите на Мерариј според родовите нивни: Махлиј и Мушиј. Тоа се Левиевите родови според семејствата нивни:

21Од Гирсон произлегува родот Ливниев и родот Семеиев: тоа се Гирсо­новци.

22Сите, изброени од машки пол, од еден месец и нагоре, беа седум илјади и петстотини.

23Родовите на Гирсоновци беа смес­тени зад скинијата, откај запад.

24Началник на поколението од Гир­соновите синови беше Елјасаф, син Лаелов;

252 Мојс 26–27на Гирсоновите потомци при скинијата на собранието им е доверено да ги пазат: скинијата и покривот нејзин, за­ве­сата при влезот во скинијата на со­бранието,

26платништата околу дворот, завесата од влезот во дворот, што се околу скинијата и жртвеникот, со јажињата и другите нивни принадлежности.

27Од Каат произлегува родот Ам­рамов и родот Јицахаров, и родот Хевронов и родот Узиилов: тоа се Каатовците.

282 Мојс 25,8; Пс 14,1Според пребројувањето сите од машки пол, од еден месец и нагоре, беа осум илјади и шестотини, кои го чуваа светилиштето.

29Родовите на Каатовци да се сместат на јужната страна од скинијата;

302 Мојс 6,22а началникот на племето Каатовци беше Елицафан, синот Узиилов;

312 Мојс 25,10-40; 26,31-35; 27,1-8; 30,1-10; Ер 3,16; 52,19; 1 Лет 28,15тие го чуваа ковчегот, трпезата, светилникот, жртвениците, свештените садови што се употребуваат при служ­бата, и завесата со сите нејзини работи.

322 Мојс 6,23Главен началник на левитите беше Елеазар, син на свештеникот Арон; под негов надзор беа оние кои беа задол­жени да го чуваат светилиштето.

33Од Мерариј произлегува родот Махлиев и родот Мушиев; тоа се родо­ви Мерариеви;

34сите преброени од машки пол, од еден месец и нагоре, беа на број шест илјади и двесте;

35началник на потомците на родот Мерариевци беше Цуриел, син на Ави­хаил; тие да се распоредат на северната страна од скинијата;

36на Мерариевите синови им беше до­верено да ги чуваат штиците од скинијата и пречниците нивни, столбовите и подножјата нивни, сиот прибор, и сите други нејзини принадлежности,

372 Мојс 27,9-19столбовите од дворот наоколу и подножјата нивни, колците нивни и јажињата нивни.

38А од предната страна на скинијата, откај исток, пред скинијата на собранието сместени беа Мојсеј и Арон, и сино­вите негови, кои наместо синовите Из­раилеви, го пазеа светилиштето; ако, пак, некој друг се доближеше, беше убиван.

39Сите изброени левити, што ги преброија Мојсеј и Арон по заповед на Господ, според родовите нивни, сите од машки пол, од еден месец нагоре, беа дваесет и две илјади.

Откупот на првородените

40 2 Мојс 13,1; 13,11-16 И му рече Господ на Мојсеј: „Пре­број ги сите првородени синови израилски од машки пол, од еден месец и нагоре, и преброј ги поименично;

41и земи ги левитите за Мене, како замена за сите првородени од синовите на Израил, – Јас сум Господ – а доби­токот на левитите место сиот првороден добиток на синовите израилски.“

42И ги преброи Мојсеј, сите првородени од синовите израилски како што му заповеда Господ;

43и сите првородени од машки пол, според бројот на имињата, од еден месец и нагоре, беа дваесет и две илјади двесте седумдесет и три.

44И му рече Господ на Мојсеј, ве­лејќи:

45„Земи ги левитите место сите прво­родени од синовите на Израил, и доби­токот на левитите, место нивниот доби­ток; левитите нека бидат Мои. Јас сум Господ.

46А за откуп на двесте седумдесет и трите првородени синови израилски, со кои се надминува бројот на левитите,

473 Мојс 5,15; 27,3земи по пет шекели за човек, спо­ред свештениот шекел земи; по дваесет гери во шекел;

48и дај му го тоа сребро на Арон и на синовите негови, за откуп на оние, што го надминуваат нивниот број.“

49И го зеде Мојсеј среброто од отку­пот за оние, што го надминуваат бројот на заменетите со левити.

50Од првородените израилски синови зеде сребро илјада триста шеесет и пет шекели, според свештениот шекел;

51и среброто од откупот (за оние кои го надминуваа откупот) Мојсеј му го даде на Арон и на синовите негови според зборовите на Господ, како што му беше заповедал Господ на Мојсеј.