4 Царства 24 - Свето Писмо: Стандардна Библи?а 2006 (со девтероканонски книги)（MK2006D）

1 Ер 24,1; 25,1; 29,1; 32,1; 34,1; Дан 1,1-2 Во неговите дни се крена вавилонскиот цар Навуходоносор; и Јоаким му стана потчинет за три години, но подоцна се одметна од него.

2И Господ испрати против него мноштво Халдејци, и многу Арамејци, и многу Моавци, и многу од синовите Амониеви, – ги испрати против Јуда за да го погуби, според словото на Господ што го беше рекол преку Своите слуги – пророците.

3Тоа стана со Јуда по заповед на Гос­под за да го отфрли од лицето Свое за гревовите на Манасија, за сѐ она што тој го беше извршил;

4и за невината крв што ја пролеа, исполнувајќи го Ерусалим со невина крв, Господ не сакаше да прости.

5Другите работи за Јоаким и за сѐ она што тој го беше извршил, опишано е во летописите на јудејските цареви.

6И почина Јоаким кај предците свои, а наместо него стана цар неговиот син Јехојахин.

7Египетскиот цар веќе не излегуваше од својата земја, зашто вавилонскиот цар беше презел сѐ, од египетскиот по­ток до реката Еуфрат што му припаѓа­ше на египетскиот цар.

Јехојахин, цар на Јудеја; прво прогонство(2 Лет 36,9-10)

8Јехојахин беше на осумнаесет години кога стана цар, и царуваше три месе­ци во Ерусалим; мајка му се викаше Нехушта, ќерка на Елнатан, од Еруса­лим.

9И тој го правеше она што не беше угодно пред очите на Господ, во сѐ она­ка, како што тоа го правеше татко му.

10Во она време слугите на вавилонскиот цар Навуходоносор настапија кон Ерусалим, и градот беше опколен.

11Вавилонскиот цар Навуходоносор дојде до градот што слугите негови го опседнаа.

12Ер 22,24-30Тогаш јудејскиот цар Јехојахин отиде кај вавилонскиот цар – тој, и мај­ка му, и слугите негови, кнезовите него­ви, и дворјаните негови, – и го зароби вавилонскиот цар во осмата година од царувањето свое,

13и изнесе сѐ од ризниците на домот Господов и од ризниците на царскиот дом; и ги здроби, како што беше рекол Господ, сите златни садови, што Соло­мон, царот Израилев, ги беше направил за храмот Господов;

1415,29и го исели целиот Ерусалим, и сите кнезови, и сета храбра војска – беа преселени десет илјади, – и сите дрводелци и ковачи; никој не остана, освен сирома­сите на таа земја.

15Тој го пресели Јехојахин во Вави­лон; исто така и мајка му на царот, и жените на царот, и големците негови, и големците на земјата ги одведе од Еру­салим за да ги насели во Вавилон.

16И сета војска, на број седум илјади, и ковачи и бравари – илјада; сите јунаци, способни за војна, ги одведе ва­ви­лонскиот цар за да ги насели во Вавилон.

17Ер 37,1; Ез 17,5-6; 17,13-14И вавилонскиот цар го направи цар Матанија, стрикото на Јехојахин, место него, и му го промени името во Седе­кија.

18Седекија беше на дваесет и една година, кога стана цар, и царуваше единаесет години во Ерусалим; мајка му се викаше Хамутал, ќерка на Еремија, од Ливна.

19И тој го вршеше она што не беше угодно пред очите на Господ, во сѐ она­ка како што го правеше тоа Јоаким.

20Ез 17,7-8.15Гневот на Господ над Ерусалим и над Јуда беше толку голем што Тој ги отфрли од лицето Свое. И Седекија се одметна од вавилонскиот цар.