Захарија 4 - Свето Писмо: Стандардна Библи?а 2006 (со девтероканонски книги)（MK2006D）

Петто видение: Златен свеќник и две маслини

1И се врати оној ангел, кој зборуваше со мене, и ме разбуди, како што се разбудува човек од сон.

22 Мојс 25,31-40; 3 Цар 7,49; Ер 52,19; Откр 2,1Па ми рече: „Што гледаш?“ Од­го­ворив: „Еве, гледам свеќник цел од злато и чашка за масло врз него, а и седум кандилца на него и по седум цевчиња за кандилцата, при врвот.

3Откр 11,4И две маслинови дрвја на него – едно десно од чашката, а друго лево од неа.“

4Му се обратив и му реков на ан­ге­лот, кој говореше со мене: „Што прет­ставува ова, господине?“

5И ангелот, што зборуваше со мене, одговори и ми рече: „Зар не знаеш што е тоа?“ Му реков: „Не знам, господине мој.“

61 Цар 17,47; Ос 1,7Тогаш одговори и ми рече: „Тоа е словото Господово кон Зоровавел, што кажува – не со сила не со снага, а со Мојот Дух, вели Господ Саваот.

7Ис 28,16; Пс 117,22; Јов 38,6-7; 1 Птр 2,4Која си ти, планино голема, пред Зоровавел: пред него си рамнина и тој ќе го изнесе каменот темелник со вос­клик: благодат, благодат врз него!“

8И дојде слово Господово до мене:

92,11„Рацете на Зоровавел ги поставија основите на овој дом: неговите раце и ќе го завршат, и ти тогаш ќе раз­бе­реш дека Господ Саваот ме прати кај вас.

103,9; Агеј 2,3-5; Откр 5,6Зашто, кој го презира денот на скромните почетоци? Ќе се израдува­ат кога ќе ја видат ѕидарската висулка во рацете на Зоровавел. Оние се­дум се очите на Господ, што со поглед ја опфаќаат целата земја!“

11Потоа одговорив и му реков: „Што значат оние две маслинови дрв­ја од десната и од левата страна на свеќникот?“

12И пак почнав да му зборувам и му реков: „Што треба да означуваат оние две маслинови гранчиња, што се наоѓаат меѓу двете златни цевчиња, кои долеваат масло?“

13А тој ми рече: „Зар не ти е познато што е тоа?“ Му одговорив: „Не знам, господине мој.“

146,5; Ис.Н. 3,11; Мих 4,13; Откр 11,4Тогаш тој ми рече: „Па тоа се двај­ца­та помазаници кои стојат пред Господарот над целата земја.“