1 Царства 7 - Свето Писмо: Стандардна Библи?а 2006 (со девтероканонски книги)（MK2006D）

1 2 Цар 6,3.4 И дојдоа мажи од Кирјат-Јарим, го зедоа ковчегот на заветот Господов и го однесоа во куќата на Авинадав, на ридот, а синот негов Елеазар го пос­ветија да го чува ковчегот на заветот Господов.

Филистејците се победени. Самоил, водач на Израил

2 Суд 6,6; 10,10 Од оној ден, кога ковчегот остана во Кирјат-Јарим, измина многу време, ре­чиси дваесет години. И сиот Израилев дом гледаше со почит кон Господ.

31 Мојс 35,2; Ис.Н. 24,14.23; Суд 10,13; Мт 4,10И му рече Самоил на сиот Израилев дом, велејќи: „Ако од сѐ срце Му се вра­ќате на Господ, отстранете ги од средината своја туѓите богови и статуите на Аштарта, подгответе ги срцата свои за Господ и Нему единствено служете Му, и Тој ќе ве избави од филистејските раце.“

4Суд 2,13; 10,10И Израилевите синови ги отстранија разните Вааловци и Аштарти и поч­наа да Му служат само на Господ.

512,19.23; Пс 98,6; Сир 46,16И рече Самоил: „Соберете ги сите Израилци во Мицпа, и јас ќе Му се помолам на Господ за вас.“

6Суд 20,26; Ис 58,2-7; Неем 9,1И се собраа во Мицпа, и црпеа вода, ја истураа пред Господ, и постеа тој ден, велејќи: „Згрешивме пред Господ.“ А Самоил им судеше на синовите Израи­леви во Мицпа.

717,11Кога Филистејците слушнаа дека си­новите Израилеви се собрале во Мицпа, кнезовите нивни излегоа против Изра­ил; Израилците, откако го слушнаа тоа, се уплашија од Филистејците.

82 Мојс 17,4; 17,8-13; Пс 98,6; Сир 46,16-18Тогаш Израилевите синови му рекоа на Самоил: „Не престанувај да Го мо­лиш Господа, нашиот Бог за нас, та некако да нѐ спаси од филистејските раце.“ (И Самоил рече: „Не може да би­де тоа, јас да отстапам од Господ, мојот Бог, и да не молам за вас, во моите молитви.“)

92 Мојс 29,38; 3 Мојс 23,12; Пс 21,5И Самоил зеде едно јагне цицалче и го принесе, (заедно со сиот народ), како жртва сепаленица на Господ; повика Самоил кон Господ за Израил и Господ го слушна.

10Ис.Н. 10,10-11; Суд 5,20-21; 2 Цар 22,14-15И кога Самоил ја принесуваше се­палиницата, Филистејците дојдоа да се борат против Израил. Но тој ден Гос­под загрме со силен татнеж над Филис­тејците и испрати против нив силен ужас, и тие така се збркаа што паднаа пред Израил.

11Израилците излегоа од Мицпа, ги гонеа Филистејците и ги разбиваа сѐ до под Бет-Кар.

121 Мојс 35,14; Ис.Н. 4,9И Самоил зеде еден камен и го стави меѓу Мицпа и Шен, и го нарече Евен-Езер што значи „До овде ни по­могна Господ.“

132 Мојс 9,3; 5 Мојс 2,15; Суд 4,23; 8,28; 11,33; 2 Цар 24,17Така беа скротени Филистејците и не се осмелуваа повеќе да дојдат во пределите Израилеви. И раката Господова беше врз Филистејците во текот на сите денови на Самоиловиот живот.

14А му беа вратени на Израил градо­вите што Филистејците ги беа презеле од Израил, од Екрон дури до Гет, и Израил ги ослободи пределите нивни од филистејските раце, и настана мир меѓу Израил и Аморејците.

15Суд 4,4; 12,7-9.11; 12,13-14; 16,31И Самоил беше судија над Израил за сите денови на својот живот.

16И секоја година одеше и го обиколуваше Ветил, Гилгал и Мицпа, и му судеше на Израил по сите тие места.

17Потоа се враќаше во Рама, бидејќи таму беше куќата негова, таму живее­ше и таму му судеше на Израил, а таму изгради и жртвеник на Господ.