Даниил 10 - Свето Писмо: Стандардна Библи?а 2006 (со девтероканонски книги)（MK2006D）

Ново откровение

1 1,7.21 Во третата година на перси­ски­от цар Кир дојде откровение до Даниил, кој се викаше Валтазар, и вистинско беше тоа откровение и со го­лема сила. Тој го разбра тоа откровение и го објасни тоа видение.

29,3; 1 Езд 9,4; Неем 1,4Во тие дни јас, Даниил, тагував цели три седмици.

3Богата храна не јадев; месо и вино не влезе во устата моја, и не се мачкав со масла додека не завршија трите седмици.

412,5; 1 Мојс 2,14А во дваесет и четвртиот ден од пр­виот месец, се најдов покрај брегот на големата река Тигар;

58,3; Ез 9,2; Откр 15,6ги кренав очите угоре и видов: ете еден човек, облечен во ленена облека, а крстот му беше препашан со офирско злато.

6Ез 1,7.26-28; Мт 17,2; 28,3; Откр 1,13-15; 19,12Телото негово изгледаше како то­паз, лицето – како светкавица – очите му беа како запалени светила, рацете не­го­ви и нозете негови изгледаа како сјаен бакар и гласот на зборовите негови ка­ко глас на многу луѓе.

74 Цар 6,17-20; Дела 9,7И само јас, Даниил, го видов тоа видение, а луѓето што беа со мене не го ви­доа тоа видение; но страв голем ги об­зе­де, и тие избегаа за да се сокријат.

8Авак 3,16; Јов 4,14-15Останав сам и го гледав тоа големо видение, но во мене не остана сила и ли­цето ми пребледе многу, не остана во мене бодрост.

98,18; 9,23; Мт 17,6И го чув гласот на зборовите негови; и штом го чув гласот на зборовите не­гови, ненајдено паднав во несвест и ле­жев со лицето кон земјата.

10Ер 1,9; Откр 1,17Но ете, рака една се допре до мене и ме исправи на колената мои и на длан­ките од рацете мои.

119,23; Ез 2,1-2Па ми рече тој: „Данииле, сакан чо­веку, задлабочи се во зборовите што ќе ти ги кажам, и исправи се на нозете свои, зашто кај тебе сум денеска ис­пра­тен.“ Штом ми ги кажа тие зборови, јас станав растреперен.

123 Мојс 16,31; Ис 65,24; Мт 14,27Но тој ми рече: „Не бој се Данииле! Од првиот ден кога го управи срцето свое за да постигнеш разбирање и да се понизиш пред твојот Бог, зборовите твои беа услишени, и јас сакав да дојдам според зборовите твои.

1310,21; 12,1; Ис 24,21Но кнезот на персиското царство ми се противеше дваесет и еден ден; но Михаил, еден од првите кнезови, дојде да ми помогне зашто јас бев таму сам, кај персискиот цар.

149,22; Ез 12,27; Авак 2,3А сега дојдов да ти соопштам, што ќе се случи со твојот народ во последни­те времиња, зашто видението се однесува за далечни дни.“

15Ез 24,27; Лк 1,20Додека ми зборуваше такви збо­ро­ви, јас гледав во земјата, без да изустам збор.

16Ис 6,7; Ер 1,9Но ете, еден сличен на синовите чо­вечки се допре до усните мои и јас ја отворив устата своја, почнав да зборувам и му реков на оној што стоеше пред мене: „Господаре мој, од ова видение ут­робата во мене се преврте и во мене не остана сила.

174,19Па како може слугата Твој, Гос­по­ди, да зборува со мојот Господар? Заш­то во мене нема сила, и останав без здив.“

188,18Тогаш пак се допре до мене тој чо­вечки лик, ме поткрепи

195 Мојс 31,7.23; 2 Мак 11,21; Дела 15,29и рече: „Не бој се, сакан човеку, мир да имаш; охрабри се, охрабри се!“ и кога зборуваше тој со мене, јас се за­кре­пив и реков: „Зборувај, Господи мој, зашто ти ме поткрепи.“

208,21; 11,2И тој ми рече: „Знаеш ли зошто дојдов кај тебе? сега ќе се вратам за да се борам со персискиот кнез; а штом ќе завршам, ќе дојде кнезот на Јаван.

21Но јас ќе ти соопштам што е на­пи­шано во вистинското писмо; и нема ни­кој друг, што ќе ми помогне во тоа, ос­вен Михаил, вашиот кнез.“