4 Царства 2 - Свето Писмо: Стандардна Библи?а 2006 (со девтероканонски книги)（MK2006D）

Бог го вознесува Илија на небото. Елисеј го наследува неговото место

1 3 Цар 19,16; 19,19-21 Во она време, кога Господ сакаше да го вознесе Илија на небото во виор, Илија со Елисеј доаѓаше од Ги­л­гал.

23 Цар 12,29И му рече Илија на Елисеј: „Остани тука, зашто Господ ме испраќа во Ве­тил.“ Но Елисеј рече: „Се колнам во живиот Господ и во животот на твојата душа! Нема да те оставам.“ И отидоа во Ветил.

31 Мак 2,58И излегоа кај Елисеј синовите про­рочки што беа во Ветил, и му рекоа: „Знаеш ли дека денес Господ ќе го вознесе твојот господар над главата твоја!“ Тој одговори: „И јас знам, молчете.“

42,19-22; 4,30; Ис.Н. 6; 1 Цар 20,3; 25,26; 3 Цар 16,34И му рече Илија: „Елисеј, остани ту­ка, зашто Господ ме испраќа во Ери­хон.“ А тој рече: „Се колнам во жи­виот Господ и во твојата жива душа! Нема да те оставам.“ И дојдоа во Ерихон.

5Тогаш се приближија синовите про­рочки што беа во Ерихон, и му рекоа: „Знаеш ли дека денес Господ го зема твојот господар и ќе го вознесе над гла­вата твоја?“ Тој одговори: „И јас знам, молчете.“

6Пак му рече Илија на Елисеј: „Оста­ни тука, зашто Господ ме испраќа накај Јордан.“ А тој рече: „Се колнам во жи­виот Господ и во твојата жива душа! Нема да те оставам.“ И тргнаа обајцата.

7Педесет души од синовите пророчки тргнаа и застанаа подалеку спроти нив, додека тие двајца стоеја покрај брегот на Јордан.

83 Цар 19,19Тогаш го зеде Илија својот кожув, го свитка и удри со него по водата, и таа се раздели на две страни, па така и двај­цата минаа по суво.

9Ис 42,1; 61,1; Ез 2,2; 3,12Кога минаа, Илија му рече на Ели­сеј: „Барај, што сакаш да ти направам, пред да бидам вознесен пред тебе.“ Ели­сеј одговори: „Духот, кој е во тебе, да биде двојно во мене.“

10А тој рече: „Бараш нешто многу тешко; ако видиш, како ќе бидам вознесен пред тебе, така ќе ти биде; ако, пак, не видиш, нема да ти биде.“

116,17; Сир 48,9Додека тие одеа и си разговараа по патот, наеднаш се појави огнена кола и огнени коњи, и ги раздвоија еден од друг, и Илија се вознесе во виорот кон небото.

12А Елисеј гледаше и извика: „Татко мој, татко мој, коло Израилева и негова коњица!“ И веќе не го виде. Па ја фати облеката своја, и ја раскина на две пар­чиња.

13И го крена тој кожувот на Илија што беше паднал од него, па се врати и се запре крај брегот на Јордан;

14го зеде кожувот на Илија, што беше паднал од него, удри со него по водата, и рече: „Каде е Господ, Бог Илиев? Тој Самиот?“ И удри по водата, а таа се раздели на две страни, и Елисеј помина.

154 Мојс 11,25; Ис 11,2; 1 Птр 4,14И го видоа оддалеку синовите пророкови што беа во Ерихон и рекоа: „Илиевиот дух слезе врз Елисеј.“ Му излегоа во пресрет и му се поклонија до земја.

163 Цар 18,12; Ез 3,14; 8,3; Дела 8,39И му рекоа: „Ете, во нас, твоите слуги, има педесет души силни мажи; нека одат тие да го побараат господарот твој; можеби, Духот Господов го однел и го фрлил на некоја гора, или во некој дол.“ А тој рече: „Немојте да испра­ќате!“

17Но тие настојуваа пред него многу, та му здодеаја, па им рече: „Испратете!“ И испратија педесет души, кои бараа три дена, но не го најдоа,

18и се вратија кај него, додека тој беше во Ерихон; и тој им рече: „Нели ви говорев: не одете!“

Елисеј го очистува изворот на Ерихон

19 2 Мојс 15,22-25 Тогаш жителите на градот му ка­жаа на Елисеј: „Ете, како што гледаш, господаре, положбата на овој град е добра; но водата е лоша и земјата е бесплодна.“

203 Мојс 2,13; Ез 43,24А тој рече: „Дајте ми нова чаша и турете во неа сол.“ И му дадоа.

21Тој отиде кај изворот на водата, ја фрли во неа солта и рече: „Вака вели Господ: ‚Јас ја оздравувам оваа вода; и во иднина нема да доаѓа од неа ни смрт, ни бесплодност.‘“

222 Мојс 15,25И водата остана здрава до денес, според зборот што го кажа Елисеј.

Бог ги казнува децата што му се потсмеваат на Елисеј

23Оттаму тој отиде во Ветил. Кога одеше по патот, мали деца излегоа од градот, му се потсмеваа и му велеа: „Врви, ќелавко! Врви, ќелавко!“

243 Мојс 26,22Тој се сврте, ги виде и ги проколна во името Господово. Тогаш излегоа од гората две мечки и раскинаа од нив четириесет и две деца.

253 Цар 16,24Оттука отиде на гората Кармил, а оттаму се врати во Самарија.