2 Летописи 34 - Свето Писмо: Стандардна Библи?а 2006 (со девтероканонски книги)（MK2006D）

Обновата за владеењето на царот Јошија(4 Цар 22,1-2)

1 1 Лет 3,14 Јошија имаше осум години, кога стана цар, и царуваше во Еру­салим триесет и една година.

2Тој го правеше она што беше угодно пред очите Господови, одеше по патиш­тата на таткото свој Давид и не скрш­нуваше ни лево ни десно.

Чистка на идолските светилишта

3 1 Лет 16,11 На осмата година од царувањето свое, бидејќи уште беше момче, почна да Го бара Бога на својот предок Давид, а во дваесеттата година почна да ја чисти Јудеја и Ерусалим од идолските светилишта, од посветените дрвја и од извајаните и излеаните идоли.

42 Мојс 34,13; 3 Мојс 26,30Зашто пред лицето негово ги разрушија жртвениците на Вааловци и идолите, што се издигаа над нив; ги исе­че посветените дрвја, а извајаните и из­леаните идоли ги скрши и разби во прав, растурајќи ги по гробовите на оние, што им беа принесувале жртви;

53 Цар 13,2коските на жреците ги изгоре врз нивните жртвеници, ја исчисти Јудеја и Ерусалим.

6Во градовите на Манасија, Ефрем и Симеон, дури до коленото Нефталимо­во, и во нивните опустошени околини,

72 Мојс 32,20тој ги собори жртвениците и посве­тените дрвја, ги разби во прав ликовите и ги скрши сите идоли по целата изра­илска земја, и се врати во Ерусалим.

Пронајдена Книгата на Законот Господов(4 Цар 22,3-20)

8На осумнаесеттата година од царувањето свое, откако беше исчистена земјата и Божјиот дом, тој го испрати Сафан, синот Ацалиев, Маасејаху, гра­доначалникот, и Јоах, син Јоахазов, пи­сар, за да го обноват домот на Господ, нивниот Бог.

9Тие отидоа кај првосвештеникот Хелкија и го предадоа принесеното во Божјиот дом, што го беа собрале левитите, стражари кај прагот, од рацете на Манасија, Ефрем, од сите други Изра­илци, од синовите на Јуда и на Венија­мин и од жителите ерусалимски.

10Го дадоа тоа во рацете на надгледниците, одредени во домот Господов, да го раздаваат на работниците, што ќе работат во Господовиот дом на поправ­ката и обновувањето на домот.

11И тие им раздаваа на дрводелците и ѕидарите, за да купуваат делкани камења и дрвја за врски и за покривање на зградите кои јудејските цареви ги беа разрушиле.

12Тие луѓе чесно ја вршеа својата ра­бота, а за надзорници над нив беа пос­тавени Јахат и Авдија, левити од Мера­риевите синови, и Захарија и Мешулам од Каатовите синови, и сите левити, што умееја да свират на музички на­прави.

131 Лет 23,4Тие беа одредени над носачите и ги надгледуваа сите работници кај секоја работа: а другите левити беа и писари, и надгледници, и вратари.

14Кога го вадеа среброто, што беше принесено во Господовиот дом, свеш­теникот Хелкија ја најде Книгата на Законот Господов, даден преку Мојсее­вата рака.

151 Езд 7,6; Неем 8,1Проговори Хелкија, па му рече на писарот Сафан: „Ја најдов Книгата на Законот во домот Господов.“ Хелкија му ја даде книгата на Сафан.

16А Сафан ја однесе книгата кај царот и притоа му ја донесе на царот оваа вест: „Твоите слуги вршат сѐ што им е таму наредено.“

17Го истурија среброто, што се наоѓаше во домот Господов, и го преда­доа во рацете на надгледниците и во рацете на работниците.

18Писарот Сафан му јави уште на царот и рече: „Оваа книга ми ја даде свештеникот Хелкија.“ И Сафан ја прочита пред царот.

195 Мојс 28,6-9; Ис 36,22Кога ги чу царот зборовите на законот, ја раскина својата облека.

20И му заповеда царот на Хелкија и на Ахикам, син Сафанов, на Авдон, син Михеев, и на писарот Сафан и на цар­скиот слуга Асаја, велејќи:

21Ез 36,18„Одете и прашајте Го Господ за мене, за другите во Израил и за Јуда заради зборовите на таа најдена книга, зашто голем е гневот Господов, кој пламна врз нас, затоа што татковците наши не ги запазија Господовите збо­рови, за да постапуваат според она што е напишано во таа книга.“

222 Мојс 15,20; Неем 6,14Тогаш Хелкија и оние, што беа ис­пратени од царот, отидоа кај про­рочицата Хулда, жена на Селум, син на Токхат, син на Асра ризничарот, – а таа живееше во новиот дел на Ерусалим, – и говореа со неа за тоа.

23Таа им рече: „Вака вели Господ, Бог Израилев: кажете му на оној човек, што ве испратил кај мене.

24Ис 3,9; Ер 40,2Вака вели Господ: ‚ете, ќе испратам зло врз ова место и врз жителите негови – сите проклетства, напишани во книгата, што ја читаа пред лицето на јудејскиот цар,

25Ер 22,9поради тоа што Ме оставија и кадеа на други богови, за да Ме разгневат со сите дела на рацете свои. Затоа гневот Мој ќе се разгори над ова место и нема да згасне.‘

26А на царот јудејски, кој ве испрати да Го прашате Бога, кажете му: ‚вака вели Господ, Бог Израилев, за зборови­те, што си ги чул:

272 Мојс 10,3бидејќи срцето ти омекна, и ти се понизи пред Господ, откако чу што ве­ли Тој за ова место и за жителите него­ви, и понизувајќи се пред Мене и ја рас­кина облеката своја и плачеше пред Мене, затоа и Јас те слушнав, вели Господ.

28Ете, Јас ќе те приберам кај предците твои, и ќе бидеш положен со мир во гробницата своја, и очите твои нема да го видат сето она зло, што ќе го испратам врз ова место и против жите­лите негови.‘“ И му го однесоа одговорот на царот.

Заветување на послушност кон Бога(4 Цар 23,1-20)

29Тогаш царот заповеда да се соберат сите старешини од Јудеја и Ерусалим,

30па отиде царот во домот Господов, и со него сите Јудејци и жителите еру­салимски, и свештениците, и левитите, и сиот народ, од голем до мал; и им ги прочита тој гласно сите зборови од книгата на заветот, најдена во домот Господов.

314 Цар 11,17Потоа царот се исправи на местото свое и склучи завет пред лицето на Господ – да Го следат Господа и да ги запазат од сѐ срце и со сета душа запо­ведите Негови, откровенијата негови и законите Негови, та да ги извршат збо­ровите на заветот, напишани во таа книга.

32И царот им заповеда на сите, што беа во Ерусалим и во земјата Венијами­нова, да го потврдат тоа; и почнаа жи­телите ерусалимски да постапуваат според заветот на Бога, Бог на нивните предци.

335 Мојс 18,9И ги отстрани Јошија сите гадотии од сите земји на израилските синови, и им заповеда на сите во земјата израил­ска да Му служат на Господ, својот Бог. И во сите денови на животот негов тие не отстапуваа од Господ Бог на нивните предци.