1 Летописи 27 - Свето Писмо: Стандардна Библи?а 2006 (со девтероканонски книги)（MK2006D）

Воено и цивилно уредување

1Еве ги синовите Израилеви според нивниот број, началници на родовите, илјадници, стотници и чинов­ници, кои по одделенија му служеа на царот во сите работи, доаѓајќи и зами­нувајќи секој месец, во текот на сите месеци во годината. Во секое одделение тие беа по дваесет и четири илјади.

211,11; 2 Цар 23,8Над првото одделение, за првиот месец, началник беше Јашовам, син Завдиелов; во одделението негово има­ше дваесет и четири илјади;

3тој беше од потомците на Фарес и началник над сите воени началници во првиот месец.

42 Цар 23,9Над одделенето за вториот месец беше Додај, Ахохиецот; во одделението негово беше и началникот Миклот; и во неговото одделение имаше дваесет и четири илјади.

511,22-25

2 Цар 23,20Третиот главен воен началник, за третиот месец, беше Ванеја, син на свештеникот Јехојада; и во неговото одделение имаше дваесет и четири илјади;

6тој, Ванеја, беше еден од триесетте јунаци и нивни началник, и во неговото одделение се наоѓаше неговиот син Амизавад.

72 Цар 2,18Четвртиот, за четвртиот месец, бе­ше Асаил, Јоавов брат, и по него синот негов Зевадија; и во неговото одделение имаше дваесет и четири илјади.

8Петтиот, за петтиот месец, беше началникот Шамхут, син на Израх; и во неговото одделение имаше дваесет и четири илјади.

92 Цар 23,26Шести, за шестиот месец, беше Ира, син на Икеш, Текоецот; и во неговото одделение имаше дваесет и четири илјади.

10Седми за седмиот месец, беше пелонјанецот Хелец, од Ефремовите си­нови; и во неговото одделение имаше дваесет и четири илјади.

112 Цар 21,18Осми, за осмиот месец, беше Сив­хај, хушанчанецот од родот на Зерах; и во неговото одделение имаше дваесет и четири илјади.

12Деветти, за деветтиот месец, беше Авиезер, од Анатот, од синовите Вени­јаминови; и во неговото одделение има­ше дваесет и четири илјади.

13Десетти, за десеттиот месец, беше Махарај, Нетофатец, од родот на Зерах; и во неговото одделение имаше дваесет и четири илјади.

14Единаесетти, за единаесеттиот месец, беше Ванеја, од Пиратон, од синовите Ефремови; и во неговото од­деление имаше дваесет и четири илјади.

15Ис.Н. 15,17; 2 Цар 23,29Дванаесетти, за дванаесеттиот ме­сец, беше нетофатецот Хелдај, од по­томците на Готониил; и во неговото одделение имаше дваесет и четири илјади.

Кнезови во Израил

16А над Израилевите племиња начал­ници беа: во Рувимовото – кнезот Елие­зер, Зихријевиот син; во Симеоновото – Сафатија, Мааховиот син;

17во Левиевото – Хашавија, син Кемуелов; во Ароновото – Садок;

18во Јудиното – Елијуј, од Давидовите браќа; во Исахаровиот – Амвриј, Миха­илов син;

19во Завулоновото – Јишмаја, Авдиев син; во Нефталимовото Јеремот, Аз­риилов син;

20во Ефремовото – Осија, Азазиевиот син; во едната половина од Манасие­вото племе – Јоил, Федаевиот син;

21во другата половина од Манасие­вото племе во Галаад – Идо, Захарие­виот син; во Венијаминовото – Јасиел, Авнеровиот син;

22во Дановото – Азарел, Јерохамо­виот син. Тоа беа водачите на Израиле­вите племиња.

231 Мојс 12,2; 15,5; 2 Цар 24,1Давид не ги преброи оние што беа од дваесет години и подолу, зашто Гос­под беше рекол дека ќе го размножи Израил како ѕвездите небески.

2421; 2 Цар 24,15Саруевиот син Јоав го почна пребројувањето, но не го доврши, и гнев Божји дојде врз Израил поради тоа пребројување, и тоа не се впиша во лето­писите на царот Давид.

Службеници над царските ризници и имоти

25Над царските ризници беше Азма­вет, Адиеловиот син, а над богатствата во полето, во градовите, во селата и во кулите – Јонатан, Озиевиот син;

26а над оние што работеа по полињата и ја обработуваа земјата беше Езри, Келувовиот син;

27над лозјата – Семеј од Рама, а над визбите со вино во лозјата – Завдиј, Шефамиецот;

28над маслините и смоквите во полињата – Гедерецот Ваал-Ханан, а над складовите за масло – Јоас;

29над крупниот добиток, што пасеше во Сарон – Саронецот Шитрај, а над до­битокот во долините – Шафат, синот на Адлај;

30над камилите – Исмаилецот Овил; над магариците – Мероќанецот Јехдеја;

31над ситниот добиток – Хагриецот Јазиз. Сите тие беа началници над цар Давидовиот имот;

Давидови советници

32Јонатан, Давидовиот чичко, беше советник, човек умен и писмен; и Је­хиил, Ахмониевиот син, беше со цар­ските синови;

332 Цар 15,12.37Ахитофел беше царев советник; а Кушиј Аркиецот – царев пријател;

341 Цар 22,20а по Ахитофел дојдоа Јехојада, Бенаевиот син, и Авијатар; Јоав, пак, беше началник на царската војска.