Даниил 12 - Свето Писмо: Стандардна Библи?а 2006 (со девтероканонски книги)（MK2006D）

Пророкувањето е запечатено

1 10,13; Мт 24,21; Откр 3,5; 16,18 „И во тоа време ќе се крене Михаил, големиот кнез, кој ги брани синовите на твојот народ, и ќе настане време тешко, какво што немало откако постојат луѓето, па сѐ до денес; но ќе се спасат во тоа време од твојот народ си­те, кои ќе се најдат дека се запишани во Книгата.

2Ис 26,19; Мт 25,46; Јн 5,28-29; 11,24И многумина од оние што спијат во земниот прав ќе се разбудат – едни за живот вечен, а други за вечен срам.

311,33; Суд 5,31; Мудр 3,7; Мт 13,43Разумните ќе сјаат како светила на небото, и оние што мнозина повратиле кон правда – како ѕвездите, во веки, за­секогаш.

48,26; Ис 8,16; Ер 5,1; Откр 22,10А ти, Данииле, сокри ги овие збо­рови и запечати ја оваа книга до последното време; мнозина ќе талкаат овде-онде, обидувајќи се да разберат што се слу­чу­ва.“

510,4Тогаш јас, Даниил, погледав и ете пред мене стојат други двајца, еден од едната страна на реката, а друг од другата страна на реката.

68,13; 10,4-5; Ез 9,2Едниот му рече на човекот со ленена облека, кој стоеше над реката: „Кога ќе биде крајот на овие чудни работи?“

77,25; Откр 10,5-6И чув, кога човекот со ленената об­лека, што се наоѓаше над реката, откако ја крена десната и левата рака кон небото, се заколна во вечно Жи­ви­от, дека сето тоа ќе се изврши за време од три и пол години, кога ќе заврши истоштувањето на Светиот Народ.

8Јас го чув тоа но не го разбрав, па затоа прашав: „Господаре мој, како ќе заврши сето тоа?“

9Ис 29,11Тој одговори: „Оди си Данииле, заш­то тие зборови се сокриени и за­пе­ча­те­ни до последното време.

1011,35; Откр 22,11Многумина ќе се очистат, ќе се из­белат и ќе бидат искушани; безбож­ни­ците ќе си останат безбожни, и никој од нив нема тоа да го разбере, само муд­ри­те ќе разберат.

118,11; 9,27; Мт 24,15Од времето, кога ќе се прекрати се­којдневната жртва и ќе се постави Гнас­ниот Пустошник, ќе минат илјада двес­те и деведесет денови.

12Ез 4,5-6Блажен е оној што чека и ќе дочека илјада триста триесет и пет дена.

13Ис 57,2; Пс 15,5; Мт 10,22; Откр 14,13А ти оди кон својот крај, и от­по­чи­ни. И ќе останеш да го добиеш својот дел на крајот од времето.“