Наум 2 - Свето Писмо: Стандардна Библи?а 2006 (со девтероканонски книги)（MK2006D）

Пророштво за разурнување на градот Ниневија

1 Ис 5,26-30; 21,2; Ер 5,15; 6,22-30 Се крева против тебе уништувач: пази ги тврдините, чувај го патот, зацврсти ги бедрата, собирај сили.

2Ис 5,1; Пс 79,14Зашто Господ ќе го обнови ве­ли­чието на Јаков, како величието на Из­раил, зашто пакосници ги запустија и лозјата им ги сотреа.

3Штитовите на неговите јунаци се црвенеат: војниците негови носат пурпурни облеки; колите бојни ќе фр­лаат оган во денот кога ќе ги построи; напаѓачите ќе се исправат.

4Колите ќе траскаат по улиците и ќе се судираат една со друга, ќе из­гле­даат како запалени факли, и ќе свет­каат како молњи.

5Тој ги повикува јунаците свои, се фрлаат во рововите, брзаат кон ѕидините на градот, опсадата е веќе подготвена.

6Градските порти кај реките се отвораат, палатата трепери.

7Решено е: Господарката ќе биде во плен одведена, а слугинките нејзини ќе тагуваат како гулаби, удирајќи се в гради.

8Ниневија, откако беше основана, беше како преполнето езеро, а тие бегаат пред нејзините води. „Стојте, стојте!“ Но никој не се свртува да по­гледа.

9Грабајте сребро, грабајте злато; нема крај на натрупаните скапоцени работи.

10Ис 13,7-8; Ер 4,31; 30,6; Јоил 2,6; Дан 5,6Ограбена, опустошена и разурната е таа – срцата се топат, колената треперат; сите чувствуваат болки во бедрата, а лицата им се пребледени.

11Ер 4,7; Ос 5,14; Мих 5,7Каде е сега леглото на лавовите и пасиштата на лавчињата, каде што одеа лав, лавица и лавче, и никој не ги плашеше?

12Каде е лавот што грабаше за да им носи на лавчињата и им даваше на лавиците, полнејќи ги со плен пеш­те­рите свои и леглата свои со грабеж?

133,5Ете, Јас сум против тебе, вели Господ Саваот, и ќе ги претворам во дим твоите бојни коли, и меч ќе ги исече лавчињата твои, и ќе го истребам од земјата грабежот твој; повеќе нема да се чуе гласот на твоите пратеници.