Судии 3 - Свето Писмо: Стандардна Библи?а 2006 (со девтероканонски книги)（MK2006D）

1 .

8.

14И синовите Израилеви му робуваа на моавскиот цар Еглон осумнаесет години.

15Тогаш синовите Израилеви пак повикаа кон Господ, и Господ им го избра за спасител Аод, синот на Гера, од Венијаминовото племе, кој беше левак. И синовите Израилеви испратија по него дарови до моавскиот цар Еглон.

16Аод си направи меч со две сечила, долг еден лакот, и го препаша под об­леката своја на десното бедро,

17и однесе дарови на моавскиот цар Еглон, а Еглон беше многу дебел човек.

18Кога Аод ги принесе сите дарови и ги испрати луѓето што ги донесоа даровите,

19сам се врати откај идолите што се во Гилгал, и рече: „Царе, имам тајна порака за тебе.“ Тој рече: „Потивко!“ И излегоа сите што стоеја покрај него.

20Аод влезе кај него: тој седеше сам во летната горна соба. Тогаш Аод рече: „Имам Божја порака за тебе.“ Еглон стана од престолот.

21Кога тој стана, Аод ја подаде својата лева рака, и го зеде мечот од десното бедро и го заби во неговиот стомак,

22така што сечилото влезе заедно со дршката, а салото го покри сечилото; бидејќи Аод не можеше да го извади мечот, од неговиот мев излегуваше нечистотија.

23Аод потоа излезе од собата, ја затвори вратата и ја заклучи.

24Откако излезе, слугите на Еглон дојдоа и видоа: ете, вратата на собата е заклучена, и си рекоа: сигурно тој е отиден по потреба до летната соба.

25Чекаа доста долго, но откако видоа дека никој не ја отвора вратата од собата, зедоа клуч и отклучија, а таму нивниот господар лежи на земјата мртов.

26Додека се чудеа, Аод избега, мина покрај идолите и се засолни во Сеира.

27А штом пристигна Аод затруби со труба во Ефремовата Планина, и слегоа со него синовите Израилеви од гората, и тој тргна пред нив.

28И им рече: „Одете по мене, зашто Господ ги предаде непријателите ваши, Моавците, во ваши раце.“ И тргнаа по него, ги презедоа моавските премини на Јордан, и не пуштија никој да премине.

29Тогаш убија околу десет илјади Моавци, сѐ здрави и силни, и никој не избега.

30Така се смирија во оној ден Моав­ците пред Израил, и земјата беше спо­којна осумдесет години. (И Аод беше нивен судија до својата смрт).

31 5,6; 2 Цар 23,11-12 По него дојде Самегар, син Анатов, кој уби шестотини Филистејци со во­ловски остен; и тој исто така го избави Израил.