Товит 8 - Свето Писмо: Стандардна Библи?а 2006 (со девтероканонски книги)（MK2006D）

Добрите свршеници спасени

1Откако се навечераа, го воведоа и Товија кај Сара.

2А тој одејќи кон спалната соба, си ги спомна зборовите на Рафаил, па зеде кадилниче и ги стави внатре срцето и црниот дроб од рибата и покади.

3Мт 12,29.43; Откр 20,2Демонот, штом ја почувствува таа миризба, избега во горните предели на Египет, и ангелот го врза.

46,18; 7,12; 8,17Кога се затворија во собата, Товија стана од постелата и ѝ рече на Сара: „Стани, сестро, да Му се помолиме на Господ, за да се смилува на нас.“

5Тогаш Товија почна да се моли: „Благословен си, Боже на нашите тат­ковци, и благословено е Твоето свето и преславно име во сите векови! Да Те благословуваат небесата и сите твои созданија!

61 Мојс 2,7; 2,20-25Ти го создаде Адам и му ја даде за помошничка Ева, од нив произлезе чо­вечкиот род. Ти си рекол: ‚Не е добро човек да биде сам; да му создадеме помошничка слична на него.‘

74,12И сега, Господи, јас ја земам оваа моја сестра не од телесна побуда, туку навистина како сопруга. Смилувај се на мене и направи да остареам со неа!“

8И тогаш заедно и двајцата рекоа: „Амин.“

9Потоа тие спиеја спокојно цела ноќ. Меѓутоа Рагуил стана и појде да ископа гроб,

10мислејќи дека е, можеби, и овој ум­рен;

11па, кога се врати дома,

12ѝ рече на својата жена Една: „Испрати една од слугинките да види дали е жив; ако умрел, веднаш да го по­гребеме, та никој да не разбере.“

13Слугинката ја отвори вратата, и влезе во собата и виде дека спијат.

14Тогаш излезе надвор и јави дека е жив.

15Рагуил Му благодари на Бога, ве­лејќи: „Боже, биди благословен со секој чист и свет благослов. Да Те бла­го­сло­вуваат сите Твои светии, сите Твои созданија, сите Твои ангели и сите Твои из­браници, – нека Те благословуваат во сите векови!

16Благословен си, зашто ме раз­ве­се­ли; со мене не се случи онака како што мислев, туку ја покажа спрема нас Твојата голема милост.

176,15; 7,12; 8,4Благословен си затоа што се смилува спрема двајцата од ист род! Господи, излиј ја врз нив Твојата милосрдност, подари им да го завршат својот живот со здравје, веселба и милосрдие.“

18Тогаш им заповеда на своите слуги да го затрупаат гробот.

191 Мојс 18,6-7Потоа приреди свадбена гозба, која продолжи четиринаесет дена.

201 Мојс 24,54-55; 5 Мојс 24,5Тогаш Рагуил го заколна, велејќи: „Не оди си дома додека не изминат де­новите на свадбата, не оди си додека не изминат четиринаесетте свадбени дено­ви,

216,12а тогаш прими ја половината од имотот и врати се жив и здрав кај тво­ј­от татко; остатокот од имотот ќе го добиеш откако умреме јас и мојата жена.“