Исус Навин 13 - Свето Писмо: Стандардна Библи?а 2006 (со девтероканонски книги)（MK2006D）

Преостанатите области кои треба да бидат освоени

1 24,1-2 Кога Исус остаре и навлезе во поодмината возраст, Господ му рече: „Ти остаре и веќе си во поодминати години, а останува уште многу да се завладее.

2Остануваат уште овие земји: сите филистејски предели и сите области на Гесуријците (и Хананците)

3Суд 3,3Од Шихор кој е кон Египет до гра­ниците на Екрон на север, се смета како подрачје на Хананците. Тоа се пет фи­лис­тејски кнежества со главни градови: Газа, Ашдод, Ашкелон, Гет и Екрон како и територијата на Авимците.

4На југ, пак, целата хананска земја и Меара Сидонска, до Афека и до аморејските предели,

5исто така целата земја Гевла и ис­точен Ливан од Ваал-Гад, во поднож­јето на Ермон, до Емат.

623,5; 4 Мојс 33,54; 34,13; Пс 79,8Сите планински жители од Ливан до Мисрефот-Маим, сите сидонци, Јас ќе ги избркам пред синовите Израилеви. Па раздели му ја таа земја со ждрепка во наследство на Израил, како што ти заповедав;

711,23раздели ја оваа земја сега како дел од наследството на деветте племиња и на половината од Манасиевото племе – (од Јордан до Големото Море на запад; ним дај им ја: Големото Море нека биде граница).“

Поделба на земјата источно од Јордан

8 12,6 А племето Рувимово и Гадово, со другата половина од Манасиевото пле­ме, го добија својот дел од Мојсеј од онаа страна на Јордан, на исток, како што им беше дал Мојсеј, слугата Госпо­дов,

9од Ароер, кој е до устието на пото­кот Арнон, и од градот, кој е среде до­лината – целата висорамнина Медева дури до Дивон.

10Исто така сите градови на амореј­скиот цар Сион, кој царуваше во Есе­вон дури до пределите на Амоновите синови,

11како и Галаад и Гесурската и Маа­хатската област, и целата планина Ер­мон и целиот Башан до Салеха,

12целото царство Огово во Башан, кој царуваше во Аштарот и во Едреи. Само тој остана од гигантите, зашто Мојсеј нив ги победи и ги протера.

13Но Израилевите синови не ги из­бркаа жителите на Гесур и Маахат и Хананците кои живеат меѓу Израил­ците и до ден-денешен.

1413,33; 14,3; 5 Мојс 18,1Само на Левиевото племе не му да­де наследство; Господ, Израилевиот Бог, е негово наследство, како што му беше рекол Господ; (а ова се деловите што им ги определи Мојсеј на синовите Израилеви според нивните племиња во Моваските рамнини од онаа страна на Јордан, спроти Ерихон).

15На племето на Рувимовите потомци според родовите нивни Мојсеј им даде дел:

16нивните предели беа од Ароер на устието од реката Арнон, и градот, што е во долината Арнонска, како и висорамнината околу Медева,

17Есевон со сите градови на висорамнината: Дивон, Бамот-Ваал и Бет-Ваал-Меон.

18И Јахца и Кедемот, и Мефаат;

19и Кирјатаим, и Сивма и Церет-Ша­хор,

20и Бет-Пеор, и падините на Фазга и Бет-Јешимот;

21сите градови на висорамнината и целото царство на аморејскиот цар Сион, кој царуваше во Есевон, и кого го победи Мојсеј, како и мидјанските старешини Евиј, и Рекем, и Цур, Ор и Рева, вазали на Сион, што живееја во таа земја;

224 Мојс 22,5; 31,8исто така и врачот Валаам, Бео­ровиот син, го убија со меч Изра­илевите синови.

23Граница на пределите на Руви­мовите синови беше Јордан. Тоа беше делот на Рувимовите синови според нивните племиња – нивните градови и селата.

244 Мојс 32,34Мојсеј им даде наследство и на Га­довите синови, според нивните племиња:

25нивни предели беа Јазер и сите галаадски градови и половината од земјата на Амоновите синови до Ароер, кој е наспроти Рава;

26и земјите од Есевон до Ра­мат-Мицпа и Бетоним и од Маханаим до границата со Давир,

27а и во долината: Бет-Харам, и Бет-Нимра, и Сукот, и Цафон, остаток од царството на хешбонскиот цар Сион; неговата територија беше од Јор­дан до Генисаретското Езеро – од онаа страна на Јордан, кон исток.

28Тоа е наследството на Гадовите си­нови според нивните племиња, – нив­ните градови и нивните села.

29Мојсеј му даде дел и на половината од Манасиевото племе, според родовите нивни;

30нивни предели беа: од Маханаим, и целото царство Башанско, и целиот Башан на башанскиот цар Ог и сите Јаирови населби во Башан – шеесет гра­дови;

31а половината од Галаад, и Аштарот и во Едреи, градови царски на Ог Башански, тие им беа дадени на сино­вите од Махир, Манасиев син, а тоа зна­чи на Махировите синови, според родовите нивни.

32Тоа е наследството што им го даде Мојсеј во Рамнините Моавски од онаа страна на Јордан, спроти Ерихон, кон исток.

3313,14; 18,7; 4 Мојс 18,20; Ез 44,28А на Левиевото племе Мојсеј не им даде дел: Самиот Господ, Бог Израилев, е нивни дел, како што им беше рекол Тој.