1 Летописи 18 - Свето Писмо: Стандардна Библи?а 2006 (со девтероканонски книги)（MK2006D）

Успешни војни на Давид(2 Цар 8,1-18)

1Потоа Давид ги порази Филистејците и ги покори, па го пре­зеде Гет и неговите села од рацете на Филистејците.

2Тој ги порази и Моавците, и Моав­ците му станаа поданици на Давид и му даваа данок.

31 Мојс 2,14Давид го порази и цовајскиот цар Адраазар во Хамат, кога тој одеше да ја утврди власта своја до реката Еуфрат.

41 Мојс 49,6И зароби Давид од него илјада коли, седум илјади коњаници и дваесет илјади пешаци; и ги уништи Давид сите коли, оставајќи од нив само сто.

5Арамејците од Дамаск сакаа да му дојдат на помош на цовајскиот цар Ад­раазар, но Давид порази дваесет и две илјади Арамејци.

6Давид постави војска во Арам кај Дамаск, и Арамејците му станаа на Да­вид поданици и му плаќаа данок. Така му помагаше Господ на Давид секогаш, каде и да одеше.

7Давид ги заплени златните штитови, што ги носеа Хададезеровите слуги, и ги донесе во Ерусалим.

83 Цар 7,23; 2 Лет 4,2-5А од Тивхат и Кун, Хададезерови градови, Давид однесе мошне многу ба­кар. Од него Соломон ги направи бакарното море и столбовите, и бакарните садови.

9Кога чу за тоа хаматскиот цар Тоу дека Давид ја поразил целата војска на цовајскиот цар Адраазар,

10го испрати синот свој Хадорам кај царот Давид, да го поздрави и да му честита, поради тоа што војувал со Ад­раазар и го поразил – зашто Тоу беше во војна со Адраазар, – и по него испра­ти секакви садови златни, сребрени и бакарни.

11Царот Давид Му ги посвети на Господ, заедно со среброто и златото, што го беше одзел од сите народи: Едомците, Моавците, Амонците, Фи­листејците и Амаликијците.

123 Цар 11,15И Авеса, синот на Саруја во Соле­ната Долина порази осумнаесет илјади Едомци;

13и постави во Едом војска, и сите Едомци му станаа поданици на Давид. Господ му помагаше на Давид секогаш, каде и да одеше.

14И царуваше Давид над сиот Израил и делеше суд и правда на сиот народ свој.

15Јоав, Саруевиот син, беше војвода над војската, а Јосафат, Ахилудовиот син – летописец,

16Садок, синот на Ахитув, и Авиме­лех, синот Авијатаров, беа свештеници, а Шавша – писар,

17Ванеја, синот на Јехојада, беше над Керетијците и Пелетијците, додека си­новите Давидови беа први до царот.