Агеј 1 - Свето Писмо: Стандардна Библи?а 2006 (со девтероканонски книги)（MK2006D）

Прекор поради неѕидање на храмот

1 Зах 1,1; 3,1-9; 4,6-10; 1 Езд 3,2; 5,1 Во втората година на царот Дариј, во шестиот месец, на првиот ден во месецот, дојде слово Господово преку пророкот Агеј до Зоровавел, синот на Салатиил, управител на Ју­деја, и до Исус, синот Јоцадаков, првосвештеникот.

21 Езд 5,11-17Вака вели Господ Саваот: „Овој народ говори: Уште не е дојдено вре­мето, не е време сега да се гради дом Господов.“

3И дојде слово Господово преку пророкот Агеј, велејќи:

42 Цар 7,2; Ер 22,14„А за вас време ли е да живеете во своите украсени домови, кога е Светилиштето запустено?“

5Затоа сега вака вели Господ Са­ва­от: „Преиспитајте ги своите патишта!

65 Мојс 28,38; Ер 12,13; Ос 4,3.10; Мих 6,14-15; Зах 8,10Вие сеете многу, а собирате малку; јадете, а не се заситувате; пиете, а не се напивате; се облекувате, но не се стоплувате; оној што печали пари, ги става во дупнато ќесе.“

7Така вели Господ Саваот: „Преиспитајте ги своите патишта!

8Качете се на планината, донесете дрвја и градете го храмот, и тоа ќе Ми биде угодно, па ќе се прославувам, вели Господ.

9Очекувавте многу, а излегува мал­ку, и што ќе внесете дома, тоа Јас го разнесувам. Зошто? – вели Господ Саваот: Затоа што домот Мој е запустен, додека секој од вас се грижи за домот свој.

103 Мојс 26,19-20; Ис 5,6Па поради тоа небото се затвори и не ви дава роса и земјата не ви дава плодови.

11Ер 4,23-28; Амос 4,7Затоа повикав суша врз земјата, врз горите, врз житото, врз гроздо­ви­те, врз маслото и врз сѐ што се раѓа од земјата, и врз човекот и врз до­би­токот, и врз секој ваш труд.“

12Ис 4,3; Зах 8,6.11; 1 Езд 1,4; 9,8.14И Зоровавел, синот на Салатиил, и Исус, синот на Јоцадак, и сиот друг народ го послуша гласот на Господ, својот Бог, а и зборовите на пророкот Агеј, како гласник на нивниот Господ Бог, и народот се подуплаши од Гос­под.

13Суд 6,12; 2 Цар 7,3; Ис 41,10Тогаш Агеј, гласникот Господов, испратен од Господ, му рече на народот: „Јас сум со вас“ – вели Господ.

141 Езд 1,5; 5,2И Господ го подигна духот на Зоровавел, синот на Салатиил, упра­вителот на Јудеја, духот на Исус, си­нот Јоцадаков, првосвештеникот, и духот на сиот друг народ – и тие дојдоа и почнаа да го градат домот на Господ Саваот, својот Бог;

15а тоа стана во дваесет и четвртиот ден од шестиот месец, во втората го­дина на царот Дариј.