Исаија 47 - Свето Писмо: Стандардна Библи?а 2006 (со девтероканонски книги)（MK2006D）

Паѓањето на Вавилон

1 13,19; 48,14.20; Ер 48,18; Плач 1,1 Слези и седни во прав, о, девице, ќерко вавилонска; седни на земја: престол нема, ќерко халдејска, и во ид­нина нема да те нарекуваат нежна и ми­лолика.

2Земи млин и мели брашно; симни го превезот, засукај ракави, разголи ги но­зете, гази преку река:

364,4; Ер 13,22.26; Ос 2,3; Плач 1,8твојата голотија ќе се открие, и ќе се види твојата срамотија. Ќе се одмаздам и никој нема од тоа да Ме одврати.

441,14; 43,3; 44,6; 49,26; 51,15; Ер 50,34Нашиот Избавител – името Му е Јахве Саваот – Светецот Израилев.

5Седи молкум и прибери се во темнината, ќерко халдејска, зашто во иднина нема да те нарекуваат господарка на царствата.

610,6; 42,24; 43,28; 54,8-9; 5 Мојс 4,20; Зах 1,15; Плач 2,21Јас се разгневив на Својот народ, и го предадов наследството Свое, што го оскверни ти, во твои раце; а ти не им покажа милост, на старците им го стави најтешкото твое иго.

742,25; 5 Мојс 32,28-29; Плач 1,9И си велеше: „Вечно ќе бидам госпо­дарка“, и на ум не го ставаше ова, не по­мислуваше што ќе стане потоа.

845,6; Соф 2,15; Откр 18,7Но сега ислушај го ова, ти, развратнице, која живееш безгрижно, која се­диш и велиш во срцето: „Јас сум, и нема друга како мене: нема да останам вдо­вица, ниту ќе осиромашам.“

951,19; 54,1-6; Откр 18,23Но ненадејно, во еден ден, ќе те снај­де и едното и другото – загубата на де­цата и вдовството; во полна мера ќе те снајдат тие, при сето множество на тво­ите баења и големата сила на твоите маѓии.

10Ез 8,12; Пс 9,31; 94,7Зашто ти се надеваше на своето лу­кавство и велеше: „Никој не ме гледа.“ Твојата мудрост и твоето знаење – тие те заведоа од патот, а ти си велеше во срцето свое: „Јас – и никој друг!“

11Ќе дојде на тебе зло: нема да знаеш, од каде доаѓа тоа; ќе те снајде беда, која не ќе можеш да ја отфрлиш; и ненадеј­но ќе те стигне погибел, за која и не мислиш.

128,19; 44,9; Откр 18,23Стој си, пак, со твоите маѓии и со многуте баења, со кои си се занимавала од млади години: можеби – ќе си по­мог­неш, можеби – страв ќе предизвикаш.

13Ти си уморна од многу совети; нека излезат оние, што го набљудуваат не­бо­то, ѕвездобројачите и претскажувачите по новомесечијата, нека те спасат од она, што треба да ти се случи.

145,24; 44,16; 2 Мојс 15,7; Наум 1,10; Мал 3,19Ете, тие се како слама: оган ќе ги изгори; не ја спасија душата своја од пламенот; не остана јаглен да се погрее некој, ниту оган, за да се поседи крај него.

1545,20Такви ќе бидат оние, со кои соработуваше, со кои си тргувала од млади го­дини. Секој талка по својот пат; никој не ќе може да те спаси.