Изреки 12 - Свето Писмо: Стандардна Библи?а 2006 (со девтероканонски книги)（MK2006D）

1 15,10; Сир 4,17-19 Кој ја сака поуката, го сака знаењето; а кој го мрази изобли­чу­ва­њето – неразумен е.

26,18; 8,35Добриот добива благодат од Господ, а на подмолниот Тој ќе му суди.

310,25Човек нема да се зацврсти со беззаконие; а коренот на праведните е неподвижен.

431,11; Сир 26,13-27; 1 Кор 11,7Добродетелна жена е венец за ма­жот свој, а онаа, што го срамоти, е како гнилеж во коските негови.

512,20Мислите на праведните се правда, а плановите на безбожниците – подмолност.

614,3Зборовите на нечестивите се заседа за пролевање крв, а устата на праведните ги спасува.

710,25; Мт 7,24-27Каде и да се свртат нечестивите – из­чезнуваат, а домот на праведните оста­нува.

816,22Човекот го фалат според разумот негов, а развратниот по срце ќе биде презрен.

925,16.27Подобро да си мал, но да работиш за себеси, отколку да се правиш големец, а да немаш леб.

1027,23; 5 Мојс 25,4; Сир 7,22Праведникот се грижи и за животот на добитокот свој, а срцето на без­бож­никот е жестоко.

1128,19Кој ја обработува земјата своја, ќе се наситува со леб; а кој оди по стапки­те на безработниците, неразумен е.

11а На кој му е слатко по вино време да губи, тој во престапите свои бес­чес­тие ќе остави.

1210,32; 11,9; 21,10.26Желбата на грешникот е стапица од зло; но коренот на праведниците дава плод.

1311,8; 18,7; 21,23Нечесниот се фаќа во мрежа преку гревовите на устата своја; но праведни­от ќе се спаси од неа.

13а Кој гледа кротко, ќе биде помилуван, а кој оди наспроти вратата, ќе си ја наскрби душата.

1413,2; 18,20Од плодот на устата своја човекот се наситува со добро, и на човек му се дава според делата на неговите раце.

1514,12; 16,2; 21,2Патот на неразумниот му се чини прав во неговите очи; но кој слуша со­вет, тој е мудар.

1619,11; 29,11Глупавиот веднаш ќе го покаже гневот свој, а благоразумниот ја смирува лутината своја.

176,19; 14,5Кој го кажува она што го знае, тој говори правда, а лажниот сведок говори измама.

1811,9; 15,2Празнословецот ранува како меч, а јазикот на мудрите лекува.

1910,31; 21,6Праведната уста вечно живее, а лажливиот јазик – само еден миг.

2012,5Во срцето на оние што мислат зло, има подмолност, а кај миротворците – радост.

2114,14Праведниот нема да го достаса ни­какво зло, а безбожниците ќе бидат преполни со зло.

226,17; 11,20Лажливата уста е одвратност пред Господ, а кој говори вистина, благоугоден Му е Нему.

2313,16; 15,2; Сир 21,12-28Расудлив човек го прикрива знае­њето свое, а срцето на глупавите го раз­гла­сува своето безумие.

2410,4; 13,4; 22,7Раката на работливите ќе господа­ри, а мрзливоста води во ропство.

2515,13; 17,22Тагата во срцето го притиска чове­кот, а добриот збор го развеселува.

2610,17; 19,27Праведниот му го покажува патот на ближниот свој, а патот на нечести­ви­те ги води во заблуда.

2710,4; 13,4Мрзливиот својот лов не го пече; а трудољубивоста е големо богатство.

2811,19По патот на правдата има живот, и во нејзината патека нема смрт.