Римјаните 13 - Свето Писмо: Стандардна Библи?а 2006 (со девтероканонски книги)（MK2006D）

Послушност кон државната власт

1 Мт 22,16-21; Тит 3,1; 1 Птр 2,13-17 Изреки 8,15; Јн 19,11; 1 Тим 2,1-2 Секоја душа да им се потчинува на претпоставените власти, заш­то нема власт што не е дадена од Бога, и оние што ги има се одредени од Бога.

2Затоа, оној што се противи на власта, тој се противи на Божјата наредба. А оние, што се противат, ќе паднат под осуда.

3Зашто, началниците не се страшни за добрите дела, туку за лошите; сакаш ли, пак, да не се плашиш од власта, то­гаш прави добри дела, па ќе добиеш и пофалба од неа;

4зашто таа е служител Божји за твое добро. Ако, пак, правиш зло, тогаш страхувај, бидејќи таа не носи залудо оружје; таа е служител Божји и со гнев се одмаздува на оној што прави зло.

5Затоа е нужно да се покорувате, и тоа не само поради страв, туку и поради совеста своја.

6Затоа и данок плаќате, зашто тие се Божји службеници, и со тоа постојано се занимаваат.

7Мт 22,21; Мк 12,17; Лк 20,25И така, дајте секому што сте му должни: кому сте му должни данок – нека му се даде данок; кому царина – ца­рина; кому страхопочит – страхопочит; кому чест – чест.

Љубовта кон ближниот

8 Мт 22,37-40; Јн 13,34; Гал 5,14; Кол 3,14; 1 Тим 1,5; 1 Јн 4,11 И не должете никому ништо освен да се сакате еден со друг; зашто оној што го љуби ближниот, го исполнува Законот.

92 Мојс 20,13-17; 3 Мојс 19,; 5 Мојс 5,17-21; Мт 5,43; 19,18-19; 22,39; Гал 5,14; Јк 2,8Бидејќи заповедите: „Не прави прељуба, не убивај, не кради, не сведочи лажно, не барај туѓо!“, и секоја друга заповед се содржат во овие зборови: „Љуби го ближниот како самиот себеси!“

101 Кор 13,4-7Љубовта не му прави зло на ближ­ниот; и така, љубовта е исполнување на Законот.

11 1 Кор 7,26.29-31; Ефес 5,8-16; 1 Сол 5,4-8 И тоа правете го, знаејќи го ова време: веќе дојде часот да се разбудите од сонот, зашто спасението е сега поблиску до нас отколку кога поверувавме.

12Јн 8,12; Ефес 5,8-16; 1 Сол 5,4-8; 1 Јн 2,8Ноќта одминува, а денот се прибли­жи; да ги отфрлиме, пак, сите дела на мракот и да се облечеме во оружјето на светлината.

13Лк 21,34Да живееме пристојно како дење – не во срамни гоштевки и пијанство, не во блуд и нечистотија, ниту, пак, во пре­пирка и завист;

14Гал 3,27; Ефес 4,24туку облечете се во Господа Исуса Христа, и грижата за телото не прет­ворајте ја во страсти.