Мудрост Соломонова 1 - Свето Писмо: Стандардна Библи?а 2006 (со девтероканонски книги)（MK2006D）

Поттик да се прави она што е праведно

1 6,1-11 Пс 44,7; Изреки 8,17; 1 Лет 29,17; 2 Лет 15,2; Мт 6,33 Сакајте ја правдата, судии земни, со праведни мисли мислете на Господ, барајте Го со душевната чистота на сво­ето срце.

2Ис 65,1; Ер 36,14Него Го наоѓаат оние што не Го искушуваат; не им се јавува Тој на оние што не веруваат во Него.

3Зашто лажните умувања оддале­чу­ваат од Бога, а искушувањето на Него­вата сила ги посрамува безумниците.

4Рим 7,24; 8,2Во лукава душа мудрост нема да влезе и нема да престојува во тело што му робува на гревот;

5Рим 9,14зашто Светиот Дух на мудроста бега од лукавството, се отстранува од нера­зумни умувања и се засрамува од не­правдата што се приближува.

67,23; Ер 11,20; Изреки 8,31; Тит 3,4Човекољубивиот дух е мудрост; нема да го остави неказнет оној што богохулствува со својата уста, зашто Бог е сведок на неговите внатрешни чувства, вистински надзорник на неговото срце и слушател на неговиот јазик.

7Пс 138,7-12; Изреки 22,12; Сир 39,19Духот на Господ ја исполнува целата вселена и, бидејќи обзема сѐ, го знае секој збор.

811,20Затоа ниту еден што говори непра­ведно, нема да се сокрие; праведната од­мазда нема да го одмине.

9Зашто помислите на безбожникот ќе бидат проверени и зборовите негови ќе бидат пред Господ, за да бидат изо­бли­чени неговите беззаконија.

105 Мојс 29,20Зашто увото на љубомората слуша сѐ, нема да се сокрие ни гласот на него­ду­вањето.

112 Мојс 15,24; Пс 77,19Затоа пазете се од некорисното не­годување, и поштедете го јазикот свој од лоши зборови; зашто ни тајниот збор нема да помине неказнет, а устата што клевети ја убива душата.

12Изреки 8,36Не забрзувајте ја смртта со заблуди­те на животот свој; не навлекувајте си пропаст со делата на вашите раце.

132,23-24; 11,23–12,1; Ез 18,23; 33,11; 3 Езд 8,59Бог не ја создал смртта и не ѝ се ра­дува на пропаста на живите;

14Тој создал сѐ за да живее и сѐ што е во светот е спасоносно; во Него нема отров смртоносен, нема пеколот да вла­дее на земјата.

153,4Правдата е бесмртна. А неправдата предизвикува смрт.

Размислувањата на безбожниците

16 Ис 28,15; Изреки 8,36; Сир 14,12 А, пак, безбожниците ја повикуваат смртта и со раце и со зборови, ја сме­та­ат за пријателка и за неа гинат: со неа сојуз склучуваат, зашто се достојни да бидат нејзин дел.