2 Ездра 4 - Свето Писмо: Стандардна Библи?а 2006 (со девтероканонски книги)（MK2006D）

Одговор на вториот телохранител

1Почна да говори вториот, што беше рекол за силата на царот. Тој рече:

21 Мојс 1,26; 9,2 „О мажи, нели се силни луѓето, кога владеат со земјата и морето и со сѐ што е во нив?

3Но царот ги надминува, владее над нив и им заповеда, и во сѐ, што и да им каже, тие му се покоруваат.

4Ако каже да се спротивстават еден против друг, тие го извршуваат тоа; ако ги испрати против непријатели, тие одат и соборуваат планини, карпи и ку­ли,

5и убиваат и се убивани, но не го по­газуваат царскиот збор; ако победат, пак, му донесуваат на царот сѐ што ќе запленат, и сѐ друго.

61 Цар 8,12.14И оние, што не одат во војна и не се борат, а ја работат земјата, по сеидбата, откако ќе ја соберат жетвата, и тие му носат на царот

7Дан 5,19 и, принудувајќи се еден со друг, му принесуваат данок на царот.

8Тој е само еден; ако каже да се убива – убиваат; ќе рече ли да се прости – проштеваат; ќе каже ли да се борат – се борат;

9ќе каже ли да се опустошува – опустошуваат; ќе каже ли да се гради – градат; ќе каже ли да се исече – сечат; ќе каже ли да се насади – насадуваат;

10и сиот народ негов и војската негова нему му се покорува.

11Освен тоа, тој седи на трпезата, ја­де, пие и спие, а тие внимаваат околу него, и никој не може да се оддалечи и да ги гледа своите работи, и не смеат да му бидат непослушни.

12О мажи, нели е од сите работи нај­силен царот, кога така му се покорува­ат?“ – И замолча.

135,5; 1 Езд 3,2 Третиот, пак, кој беше рекол за же­ните и за вистината, – тој беше Зорова­вел, – и почна да говори:

Одговор на Зоровавел

14„О мажи, голем е царот, големи се и многу луѓе, и моќно е виното. Но кој господари над нив и ги владее? Нели жените?

15Жени го родиле царот и сиот народ, кој владее со морето и земјата;

16од нив се родени и од нив се одгле­дани оние, што садат лозја, од кои се прави вино;

17Изреки 31,13.19тие прават облека за луѓето и снабдуваат украси за нив, и луѓето не можат без жени.

18Ако мажите соберат злато и сребро и секакви скапоцености, и потоа видат жена леполика и убава,

194,31; Сир 36,22 оставаат сѐ и се спуштаат кон неа и ја гледаат со отворена уста, и сите се прилепуваат кон неа повеќе, отколку кон златото и среброто и кон секоја ска­поценост.

201 Мојс 2,24 Човекот го остава таткото свој, кој го воспитувал, и земјата своја и се при­лепува кон жената своја,

21кај жената своја останува до смртта и заборава и татко, и мајка, и земјата своја.

22Од тоа треба да разберете дека же­ните владеат над нас. Не преземате ли тешки работи, нели се трудите и се ма­чите, не принесувате ли и не давате ли сѐ за жената?

23Го зема човекот мечот свој и изле­гува по патиштата да граби и краде, го­тов е да плови по море и по реки,

24Изреки 22,13; 26,13; Јов 24,13-17лав сретнува и во темнина талка; но ако украде, одвлече или ограби нешто, ѝ го носи на саканата своја.

251 Мојс 2,24 И човекот повеќе ја сака жената своја, отколку таткото и мајката.

261 Мојс 29,20 Многумина полудувале поради же­ни и станувале робови преку нив.

27Изреки 2,18; 5,5; 7,26.27; Сир 9,8 Многумина загинале и пропаднале и згрешиле поради жени.

28Зар сега нема да ми поверувате? Нели е голем царот со власта своја? Не­ли сите земји се плашат да се допрат до него?

29Неем 2,6; Пс 44,9 Јас го видов него и Апама, царевата наложница, ќерката на славниот Вар­так, како седи десно од царот;

30таа ја симнуваше круната од главата на царот и си ја ставаше, а со левата рака го удираше царот по образот.

314,19И покрај сето тоа царот ја гледаше со отворена уста: ако таа му се насмев­не, се насмевнува и тој; а ако, пак, му се налути, тој ја милува, за да биде добар со неа.

32О мажи, како да не бидат силни же­ните, кога прават така?“

33Тогаш царот и големците се по­гледнаа еден со друг, а тој почна да говори за вистината, па рече:

34Пс 18,5.6„О мажи, нели се силни жените? Голема е земјата и високо е небото, и брзо е сонцето во својот од, зашто за еден ден го обиколува небесниот круг и пак се враќа на местото свое.

35Мудр 13,4.5; Рим 1,20; Јн 14,6 Нели е голем Оној, Кој го прави тоа? И вистината е поголема и посилна од сѐ.

36Целата земја ја повикува вистината, и небото ја благословува, и сите работи се стресуваат и треперат пред неа. И во неа нема неправда.

37Пс 13,1; 52,1; 3 Езд 8,35; Рим 3,10; 3 Езд 3,20-22; Јн 8,44; 1 Јн 2,4 Неправедно е виното, неправеден е царот, неправедни се жените, неправедни се и сите човечки потомци, па и сите нивни работи се такви: нема вистина во нив и тие ќе загинат во неправдата сво­ја;

38а виситината истрајува и останува силна засекогаш, и живее и владее од век во век.

395 Мојс 10,17 Во неа нема пристрасност и поделе­ност: таа го прави она што е праведно, одбегнувајќи сѐ што е неправедно и ло­шо, и сите ги одобруваат нејзините ра­боти.

401 Лет 29,11; Пс 30,5; 5 Мојс 32,4; Ер 10,10 Во нејзиниот суд нема ништо кри­во; таа е сила, и царство, и власт и вели­чие во сите векови; благословен да е Бог на вистината!“

41И престана да говори. И сите тогаш викнаа и рекоа: „Голема е вистината и најсилна е од сѐ.“

423,5-7Тогаш царот му рече: „Барај што сакаш, па дури и повеќе од напишаното, и ќе ти дадам, бидејќи ти се покажа најмудар; ти ќе седиш до мене и ќе се на­рекуваш мој роднина.“

Потсетување на даденото ветување

43Тогаш тој му рече на царот: „Сети се на ветувањето што го даде во оној ден, кога го прими царството свое дека ќе го изградиш Ерусалим,

441,41; 2,10; 4,57; 6,18.19и ќе ги вратиш сите садови, земени од Ерусалим што Кир ги беше однел, кога даде завет за да го разурне Вави­лон, и вети дека ќе ги испрати таму.

454,50; Пс 136,7; Ез 25,12; 35,5; Амос 1,11; Авд 10-15А ти вети да го подигнеш храмот, што го беа изгореле Едомците, кога Халдејците ја опустошија Јудеја.

464,42.58; Дан 3,37; Тов 13,7.11И за истото тоа сега те молам, царе господаре, те молам, и во тоа е твојата големина: те молам да го исполниш ве­тувањето, кое со устата своја му го вети на Небесниот Цар дека ќе го исполниш.“

Писмото на Дариј

47Тогаш царот Дариј стана, го бакна и напиша писмо до сите управници и обласни началници и воени началници и сатрапи – да го пуштат, а со него заедно и сите, што одат да го градат Еруса­лим.

482,17; 5,55; Јудита 1,7; 1 Езд 3,7; Суд 9,15 Исто така напиша писмо до сите месни началници во Келе-Сирија и Фе­никија и до оние во Ливан – да довезува­ат од Ливан во Ерусалим кедрово дрво и да му помагаат да го изгради градот.

49Напиша да бидат слободни и сите Јудејци, кои тргнуваат од царството за Јудеја, та никој од властите, – заповедник, сатрап и управител, да не оди до вратата нивна,

504,45; Ез 36,5; Авд 13туку целата земја, со која тие вла­де­ат, да биде ослободена од данок, и Едом­ците да ги остават јудејските села со кои владеат;

51исто така, за градење на храмот се­која година да се дава по дваесет та­лан­ти, додека не биде изграден;

525,51 и за принесување на жртвеникот се­којдневни сепаленици, освен одредените седумнаесет, се даваше уште по де­сет таланти годишно;

53и сите, што заминуваат од Вавилон, да имаат слобода да го градат градот, како тие, така и потомците нивни и си­те свештеници, што ќе отидат.

54Напиша исто така и за издршката и за службената облека на свештениците.

55Напиша да им се дава издршка и на левитите до оној ден, кога ќе се заврши храмот и ќе се изгради Ерусалим;

56и на сите, што го чуваат градот, по­рача да им се дава плата и храна.

574,44Ги отстапи и сите садови, што Кир ги беше земал од Вавилон; и сѐ, што бе­ше заповедал Кир да се направи, тој за­поведа да се изврши и испрати во Еру­салим.

583,4; 3 Цар 8,48; Дан 6,10; 3,46И кога излезе младичот, го крена лицето кон небото спроти Ерусалим, Му заблагодари на Царот Небесен и ре­че:

59Изреки 21,31; 2 Мак 13,15; Изреки 2,6; Сир 1,1; Јк 1,5; 1 Лет 29,11; Мт 6,13„Од Тебе победа, од Тебе мудрост, и Твоја е славата, и јас сум пак Твој слу­га.

60Мудр 7,15; 3 Цар 3,12 Благословен си Ти, Кој ми подари мудрост, и Ти блогодарам, Господи, Бо­же на татковците наши.“

61И откако ги зеде писмата, тргна и отиде во Вавилон, и им јави на сите бра­ќа свои.

62И тие Му заблагодарија на Бога на татковците нивни, поради тоа што им подари слобода и одобрение

635,2.59; 3 Цар 8,43 да одат и да го градат Ерусалим и храмот, наречен според името Негово. И ликуваа со музика и веселба седум дена.