Сирахова 9 - Свето Писмо: Стандардна Библи?а 2006 (со девтероканонски книги)（MK2006D）

Однесување со жените

1 4 Мојс 5,11-15 Не биди љубоморен на својата са­кана жена: не давај ѝ лош пример против себе самиот.

2Суд 16,4-21; 3 Цар 11,1-4; Изреки 31,3На твојата жена не предавај ѝ ја твојата душа, за да не завладее сосема со тебе.

3Изреки 23,27; 29,3До блудница не приближувај се, за да не паднеш во нејзините примки.

4Изреки 7,6-27Со пејачка не дружи се: со уметноста своја може да те плени.

5Јов 31,1; Мт 5,28Не загледувај се во девица, за да не бидеш соблазнет од нејзината убавина.

6Изреки 29,3; Лк 15,13На блудница не давај ѝ ја својата ду­ша, за да не го загубиш твојот имот.

7Не обѕрнувај се по улиците на гра­дот и не талкај по неговите пусти делови.

8Изреки 2,16; 5,2-20; 6,23-29; 7,5; 22,14Убава жена не гледај; не загледувај се во туѓа убавина.

9Изреки 30,20Женската убавина многумина заведува; од неа како од оган се распалуваат страстите.

10Со жена омажена никогаш не седи, вино не пиј заедно со неа;

11душата твоја да се не приврзе за неа; обземен од страсти – в бездна да не пропаднеш.

Однесување со мажите

12 Пс 36,1-2; 73,3; Изреки 24,19 Стар пријател не отфрлај; новиот со него не се споредува;

13Изреки 16,14; 19,12новиот пријател е како ново вино; кога стане старо – со наслада го пиеш.

1437,7-15На славата на грешникот не завидувај, зашто не знаеш каков ќе му биде крајот.

15Не одобрувај го она што го прават безбожниците; помни дека нема да им трае среќата до пеколот.

161,11; 10,22Далеку биди од човек што има власт да убива, па страв смртен нема да те прогонува,

17Изреки 8,15-16; Мудр 6,1-11а ако се зближиш со него, добро па­зи се да не загинеш.

1837,20Знај дека сред стапица одиш, дека по врвовите на ѕидините градски че­ко­риш.

19Со ближните свои дружи се, но со мудрите советувај се.

20Разговор води со разумни луѓе; збо­ровите твои според законот на Се­виш­ниот да бидат.

21Со мажи праведни лебот твој дели го; во страхопочитта кон Господа нека ти биде славата.

Управувачите

22Според раката на уметникот се по­фалува делото, а владетелот на народот – според неговите зборови.

23Во градот се плашат од човек со др­зок јазик и го мразат оној којшто нера­зумно говори.