Псалми 82 - Свето Писмо: Стандардна Библи?а 2006 (со девтероканонски книги)（MK2006D）

ПСАЛМ 82Молитва за помош против непријателите на Израил

1Не премолчувај, не оглушувај се и не мирувај, Боже!

243,23; 49,3; 108,1Зашто ете Твоите непријатели вреват, а оние што Те мразат, кренаа гла­ва;

3против Твојот народ зло наумија и се советуваат против Твоите приврзаници;

4Ер 11,19рекоа: „Да одиме и да го истребиме меѓу народите, па да не се спомнува по­веќе името Израил!“

5Се договорија еднодушно, склучија против Тебе сојуз;

6шаторите на Едом и Исмаилците, на Моав и Агарјаните;

7Гевал, Амон, Амалик и Филис­теј­ци­те со оние што живеат во Тир,

8бидејќи и Ашур се придружи кон нив, па станаа помош за синовите Ло­то­ви.

9Направи им го истото, како што им направи на Мидјаните, како и на Сисе­ра, како и на Јавин кај потокот Кишон,

102 Мојс 2,15; Суд 4–5; Ис 9,3; 10,26кои беа истребени во Ен-Дор и ста­наа ѓубриво за земјата.

11Ер 8,2Постапи со нив, со нивните кнезови, како со Орев и Зев и со сите нивни кнезови, како со Зевеја и Салмана,

12Суд 7,25; 8,9-20бидејќи рекоа: „Да го присвоиме за себе светилиштето Божјо!“

13Боже мој, заповедај да станат како виор и како плева пред ветар;

1457,9; Ис 17,13; 28,5; Јов 27,21како оган што изгорува дубрави, и како пламен што запалува гори,

15Ис 5,24; 10,17; Ез 21,2така и Ти подгони ги со Својот ви­ор, застраши ги со Својот гнев!

16Ер 25,32Исполни ги лицата нивни со бес­честие, па да го побараат името Твое, Господи!

17Да се засрамат и да се збунат за­се­когаш, да се посрамат и да загинат,

1845,11; 96,9; Ис 42,8и да познаат дека Ти си Тој, чие име е Господ и дека Ти си единствен Севи­шен над целата Земја.