Броеви 17 - Свето Писмо: Стандардна Библи?а 2006 (со девтероканонски книги)（MK2006D）

Ароновиот жезол

1И му рече Господ на Мојсеј, велејќи:

22 Мојс 4,2„Кажи им на синовите израилски и земи од нив по еден жезол од колено, по еден жезол од секој нивни кнез, дванаесет жезла, и името на секој напиши го на жезолот;

3Ароновото име напиши го на Левие­виот жезол, зашто тие треба да дадат еден жезол, според племето на нивниот род,

42 Мојс 16,34; 25,22и стави ги во скинијата на собранието, пред ковчегот на заветот, каде што ви се јавувам;

52 Мојс 16,7; 25,21-22и кого Јас ќе го одберам, неговиот жезол ќе расцути; и така ќе го отстра­нам незадоволството на синовите изра­илски, што го креваат против вас.“

6И им рече Мојсеј на синовите на Израил, и сите началници нивни им да­доа, од секој началник по еден жезол, дванаесет жезла, според кнежествата свои и родовите нивни; и Ароновиот жезол беше меѓу жезлата нивни.

7Тогаш Мојсеј ги постави жезлата пред лицето Господово во скинијата на собранието.

8Ез 17,24; Евр 9,4На вториот ден влезе Мојсеј (и Арон) во скинијата на собранието, и ете, Ароновиот жезол, од Левиевиот дом, беше напупил, расцветал и родил бадеми.

9И ги изнесе Мојсеј сите жезла од ли­цето Господово пред сите синови на Израил; и тие го видоа тоа и секој си го зеде својот жезол.

102 Мојс 23,21; 5 Мојс 9,24; Пс 65,7; Евр 9,4И му рече Господ на Мојсеј: „Постави го пак Ароновиот жезол пред ковчегот на заветот да се чува, како опомена за непокорните, па ропотот против Мене да престане и тие да не умираат.“

11И Мојсеј го направи тоа; како што му заповеда Господ, така направи.

Службата на свештениците и на левитите

12 Суд 13,22; Ис 15,1 И му рекоа синовите израилски на Мојсеј: „Ете, ние умираме, гинеме, сите ќе изумреме;

13секој, кој се приближува кон скинијата Господова, умира: дали ќе изумреме така сите?“