Исаија 22 - Свето Писмо: Стандардна Библи?а 2006 (со девтероканонски книги)（MK2006D）

Ерусалим опколен

1 15,3 Пророштво за долината на видението. – Што ви е, та сите сте се искачиле на покрив?

223,7; 32,13; Соф 2,15Шуми граде, кој се брануваш, граде, што ликуваш! Твоите убиени не се убиени од меч, ниту умреле во борба;

3сите твои водачи бегаа заедно, но беа заробени без да затегнат лак; сите што се најдени кај тебе заробени се заедно, колку и да бегаа далеку.

416,9; Ер 6,26; 8,21; 9,1.17; 13,17; 31,15; Плач 1,16Затоа велам: оставете ме, горко ќе плачам; не трудете се да ме утешувате, поради погибелта на мојот народ.

537,3; 4 Цар 19,3Зашто е ден на вознемиреност, угнетување и збрка во долината на видението од Господ Бог Саваот. Се соборува­ат ѕидови, викањето стигнува до планината.

64 Цар 16,9И Елам зеде оружје: луѓе со коли, и јавачи, и Кир штитот свој го спрема.

7И ете, најдобрите твои долини се полни со бојни коли, јавачите се наредија спроти портите,

83 Цар 7,2-5; 10,17па ја уриваат заштитата на Јудеја; и ти во тој ден погледна кон избраните домови во градот.

92 Цар 5,9; 4 Цар 20,20Видовте дека има многу пукнатини во ѕидиштата на Давидовиот град, па собравте вода во долниот рибник;

10Ер 33,4; Сир 48,17ги преброивте и ги рушевте куќите ерусалимски, за да се зацврстат ѕидините градски;

115,12; 4 Цар 25,4; Ер 39,4направивте меѓу двата ѕида собиралиште за вода од старото езеро. А на Оној, Кој го направи тоа, не погледнав­те, и не Го гледавте Оној, Кој одамна го одреди тоа.

Време за плачење

12 Ер 6,26; Амос 8,10 Господ Бог Саваот ве викаше на тој ден да плачете и да тагувате, да се ис­трижете и да се облечете во вреќиште.

135,11; 56,12; Проп 2,24; 3,12; 11,8; Мудр 2,7-9; 1 Кор 15,32Но, ете, веселба и радост! Убиваат волови и колат овни; јадат месо, пијат вино и велат: „Да јадеме и да пиеме, зашто утре ќе умреме!“

141 Цар 3,14; Пс 84,2И ми откри во ушите Господ Са­ваот: „Нема да ви биде простен тој грев додека не умрете,“ рече Господ Бог Са­ваот.

Казна за себичните владетели

15 36,3.11.22; 4 Цар 18,18.26.37; 19,2 Вака рече Господ Бог Саваот: „Тр­г­ни, оди кај оној дворјанин, при Севна, началникот на дворецот, и кажи му:

16какво право имаш и кого имаш ту­ка, па си правиш тука гробница? Тој си прави за себе гробница на височината, си прави живеалиште во карпата.

17Ете, Господ ќе те фрли далеку, ка­ко што фрла силен човек и ќе те свитка како клопче,

18Ер 17,25; 28,16; Амос 7,17откако ќе те свитка како топка и ќе те фрли во широка земја; таму ќе ум­реш ти, таму твоите прекрасни коли ќе бидат за подбивање во домот на твојот господар.“

19„Ќе те турнат од твоето место и ќе те симнат од твоето достоинство.

2036,3.11.22; 4 Цар 18,18.26.37И во тој ден ќе го повикам мојот слуга Елијаким, Хелкиевиот син,

214 Мојс 20,26ќе го облечам со твојата облека и со твојот појас ќе го препашам, та и власта твоја ќе ја предадам во рацете не­го­ви; и тој ќе биде татко на жителите еру­салимски и за домот Јудин.

22Јов 12,14; Мт 16,19; Откр 3,7И клучот на Давидовиот дом ќе го ставам на рамењата негови; тој ќе от­во­ри, и никој нема да затвори; тој ќе зат­вори и никој нема да отвори.

231 Езд 9,8; Сир 14,24И ќе го зацврстувам како клин на цвр­сто место, тој ќе биде како славно седиште за домот на својот татко.

24Ез 15,3И на него ќе виси целата слава на татковиот му дом, на децата и внуците, на целата покуќнина од чаша до ќупови.“

25Во тој ден, вели Господ Саваот, ќе се заниша зацврстениот на цврсто место клин, ќе биде изваден и ќе падне, ќе се испокрши сѐ што виси на него, зашто Господ го вели тоа.