Езекил 26 - Свето Писмо: Стандардна Библи?а 2006 (со девтероканонски книги)（MK2006D）

Пророкување за разорување на градот Тир

1 Ис 23,1-18; Јоил 3,4-8; Амос 1,9-10; Зах 9,1-4 Во единаесеттата година, во првиот ден од првиот месец, дојде слово Господово до мене:

2„Сине човечки, поради тоа што Тир ликуваше над Ерусалим: ‚о, о‘, се скрши вратата на народите, и тие се свртеа кон Мене; ќе се збогатам – тој е опустошен.

3Така вели Господ Бог, еве, Јас сум против тебе, граде Тире, и ќе кренам против тебе многу народи како морето што ги крева брановите свои.

4Ис 2,15И ќе ги разбијат ѕидовите на Тир и ќе ги разрушат кулите негови; и ќе го изметам правот негов и ќе го направам гол камен.

5Ќе биде место за простирање мрежи во морето; зашто Јас го реков тоа, вели Господ Бог, и ќе биде разграбен од на­родите.

6А ќерките негови, што се во земјата, ќе бидат со меч убиени и ќе познаат дека Јас сум Господ.“

7Зашто така вели Господ Бог: „Еве, против Тир ќе го доведам од север На­вуходоносор, вавилонскиот цар, царот над царевите, со коњи и со коли, со ко­њаница и со војска и со многуброен на­род.

8Тој со меч ќе ги убие ќерките твои во земјата, ќе подигне против тебе оп­садни кули, ќе направи опкоп против тебе и ќе постави штитови против тебе.

9Ќе донесе машини за разбивање ѕи­дови до самите ѕидови и ќе ги разруши кулите твои со секири.

10Од многуте негови коњи прав ќе те покрие, од шумот на јавачите, на тр­ка­лата и на колите ќе се затресат ѕи­до­ви­те твои, кога ќе влезе во портите твои, како што се влегува во разбиен град.

11Со копитата на коњите свои ќе ги изгази твоите улици, народот твој со меч ќе го убие и спомениците на твојата сила на земјата ќе ги соборува.

12И ќе го разграбат твоето богатство, ќе ја пленат твојата стока, ќе ги раз­ру­шат твоите ѕидови, ќе ги урнат твоите убави домови, твоите камења и твоите дрвја и земјата твоја ќе ја фрлат во во­да.

13Ис 24,8-9; Откр 18,22И ќе престане гласот од твоите пес­ни и звукот од твоите харфи нема по­ве­ќе да се слуша;

14и ќе те направам гол камен, ќе ста­неш место за простирање мрежи; нема да бидеш одново изграден, зашто Јас, Господ, го реков тоа“, вели Господ Бог.

15Откр 6,14Така вели Господ Бог кон Тир: „Од потресот на твоето паѓање, од офкањето на ранетите, кога ќе се извршува над тебе убивањето, нема ли да затреперат островите?

16Откр 18,9-10И ќе слезат од престолите свои сите кнезови на морето, ќе ги соблечат од се­бе своите наметки, ќе ги симнат од себе своите везени облеки, ќе се облечат во трепет, ќе седнат на земја и секоја ми­ну­та ќе треперат и ќе се чудат заради те­бе.

17И ќе почнат да плачат за тебе и ќе ти речат: ‚Како пропадна, славни граде, во кој живеат поморци, народ силен по морето, ти и жителите твои кои влеваа страв на сите оние, што живееја покрај тебе!‘

18Сега, во денот на твоето паѓање, за­треперија островите, островите морски се исплашија од твојата погибел.

192 Мојс 15,19Зашто така вели Господ Бог: кога ќе те направам запустен град, како не­населените градови, кога ќе ја подигнам против тебе бездната и ќе те покријат големи води,

20тогаш ќе те соборам со оние, што слегуваат во гроб, кај оние што порано постоеле, и ќе те ставам во долната зем­ја, во вечната пустина, со спуштените во гроб, за да не бидеш веќе населен; и ќе ја објавам славата во земјата на жи­вите.

21Откр 18,21За ужас ќе те направам, и нема да те има; ќе те бараат, но повеќе нема да те најдат никогаш“, вели Господ Бог.