Сирахова 43 - Свето Писмо: Стандардна Библи?а 2006 (со девтероканонски книги)（MK2006D）

Небото и сонцето

1 Пс 8,3; 19,2.5-7; 136,4-9 Чистото небо е убавина на висини­­те, видот на небото е појава прекрасна!

2Кога сонцето изгрева, изгревајќи об­јавува: „Колку чудно создание, дело е на Севишниот!“

3На пладне земјата ја вжештува; пред неговиот пек кој ќе издржи?

4Фурната се разгорува жешка да биде, а сонцето ги вжештува планините трипати повеќе, пламен огнен из­ди­шу­ва, со зраците свои очи заслепува.

5Голем е Господ, Кој го создал; со Своите зборови одот негов го забрзува.

Месечината

6 1 Мојс 1,14-18; Пс 88,37; 104,19 И месечината им служи на сите, време покажува и знак е на векот.

7Според месечината го определуваме празникот; откако полнотата ја дос­тигне, светлината нејзина се намалува.

8Месецот од неа името го добил; во своите промени таа чудно се зголемува.

9Варух 3,34-35Светилник на небеските воинства: свети на небескиот свод.

Ѕвездите

10 Ис 40,26; 48,13; Пс 148,6 Сјајот на ѕвездите е убавина на не­бото, светол украс во висините Гос­подови.

1150,7; Ез 1,28По заповед на Светиот, тие стојат по својот чин, и на стражата своја не се заморуваат.

Чудата на природата

12Погледни го виножитото и не­го­ви­от Создател прослави Го; прекрасно е тоа во сјајот свој.

13Пс 147,5-6; Јов 37,6Со кругот прекрасен небото го оп­фаќа; рацете на Севишниот го раши­ри­ле.

14Јов 38,22По Божја повелба снегот брзо паѓа, брзо светкаат секавиците на Неговиот суд.

15Така се отвораат ризниците Него­ви, од нив излегуваат облаци како пти­ци.

16Со силата Своја облаците ги крепи, а од нив се одронува градобиен мраз.

17Авак 3,12; Пс 28,8По Негова волја јужниот ветар ду­ва, од погледот Негов планините се тре­сат.

18Гласот на Неговиот гром, северната бу­ра и ветрот силен земјата ја тресат.

19Тој сипе снег слично на птици што слетуваат. А паѓањето на снегот е како бранови на скакулци во лет.

20Јов 37,10; 38,29-30Очите се зачудуваат пред прекрасната негова белина, срцето е радосно кога врне.

21Шушлекот како сол на земјата паѓа, а кога ќе замрзне како игли станува.

22Дувнува студен северен ветер, водата во лед се претвора: над водите се ши­ри и со него како со покривач се покрива.

23Пс 88,9; Јов 7,12; 26,12Тој ги голта планините, ги гори пустините, и како оган тревата ја пали.

24Пс 106,23-27Но маглата помага како навремен лек; росата што паѓа – разладува пек.

25Пс 103,25-26Со повелба Своја бездната ја скротува, насекаде острови поставува.

26Ис 44,26Морнарите прикажуваат за опасностите од морето, а ние се чудиме на она што со ушите свои го слушаме;

27зашто таму има чудни и необични творби: разновидни животни и чудо­вишта морски.

28Пс 95,4; 145,3Преку неговата помош сѐ добро се извршува и преку словото Негово сѐ одржува.

291,8Многу можеме да кажеме, но нема да успееме за Бога сѐ да речеме; со еден збор ќе кажеме: „Бог е сѐ!“

30Од каде ќе земеме сила Него да Го прославиме? Та Тој е поголем од сите Свои дела.

3142,17; Пс 105,2Страшен е Господ и многу е голем, чудесна е силата Негова.

3216,21; Јов 26,14Прославувајќи Го Господа, фалете Го, колку што можете, но и по она Тој ќе биде погоре;

331,9-10; 18,1; 42,17соберете ја колку што можете сета ваша сила кога Го прославувате, но не трудете се, зашто нема да успеете.

34Кој Го видел, па да ни објасни и кој ќе Го прослави, Каков што е?

35Многу има сокриено што е поголемо од ова; ние гледаме само мал дел од Неговите дела.

36Господ сѐ создал, а на побожните мудрост им подарил.