Јудита 4 - Свето Писмо: Стандардна Библи?а 2006 (со девтероканонски книги)（MK2006D）

Бунт во Јудеја

1Синовите Израилеви, кои живееја во Јудеја, штом слушнаа за сѐ што направил со народите Олоферн, врхов­ниот заповедник на војската на Навухо­доносор, царот на Асирците, и како ги ограбил и урнал сите нивни свети­лиш­та,

2многу се уплашија од него и тре­пе­реа од страв за Ерусалим и за храмот на својот Господ Бог.

3Ез 38,8; 1 Езд 6,14-22; 2 Мак 13,11; 14,36Не многу одамна се беа вратиле од ропство, неодамна се беше собрал це­лиот јудејски народ и ги беа осветиле осквернетите садови, жртвеникот и до­мот на Господ.

4Затоа испратија гласници во под­ра­ч­јето на Самарија, Кона, Веторон, Вел­мен и Ерихон, во Хова, Есора и долината Салим,

5ги зазедоа сите врвови на високите планини, ги заградија со ѕидови населбите, кои се наоѓаа на нив, и собраа жи­то за храна во случај на војна, бидејќи нивните ниви само што беа ожнеани.

6Тогаш првосвештеникот Јоаким, кој тие денови се наоѓаше во Ерусалим, им напиша на жителите на Ветилуја и на Ветоместем, кој се наоѓа спрема Ездре­лон на предната страна од рамнината, близу до Дотаим, –

7да ги заземат планинските премини, зашто преку нив водеше патот во Јудеја и лесно им беше да му попречат на не­пријателот, зашто клисурата беше тес­на дури и за двајца.

811,14; 15,8; 2 Мак 1,10; 4,44Синовите Израилеви направија како што им заповеда првосвештеникот Јоа­ким и старешините на сиот народ из­ра­илски, кои беа во Ерусалим.

Молитва и покајание

9 2 Лет 20,3 Со голема усрдност повикаа кон Бо­га, сите мажи на Израил и ги понизија своите души пред Бога.

10Јона 3,5-8И тие, и нивните жени, и нивните деца и нивниот добиток; секој придојден и наемник и купениот за сребро си пре­пашаа вреќа околу крстот свој.

11Ест 4,1; 2 Лет 20,18Сите Израилци, и жените нивни и децата, кои живееја во Ерусалим, паднаа ничкум пред храмот, се посипаа со пепел и ги послаа своите вреќишта пред Господ.

12Јоил 2,17Со вреќиште го обвија и жрт­ве­ни­кот и усрдно повикаа кон Богот на Из­раил со еден глас – нивните деца да не ги предаде на колеж и нивните жени во роп­ство, за радост на незнабошците; градовите на нивното наследство да не ги предаде на разурнување и татковината нивна – на уништување, а све­ти­лиш­тата нивни – на осквернување и подбивање.

132 Мојс 2,24-25; 3,7; Пс 101,19; Неем 9,9; 2 Лет 20,3Бог го послуша нивниот глас и се смилува на нив во нивната неволја, заш­то сиот народ постеше многу денови во цела Јудеја и во Ерусалим пред храмот на Господ Седржителот.

142 Мојс 29,38; 4 Мојс 28,3; Јоил 2,17Првосвештеникот Јоаким и свеш­те­ниците стоеја пред Господ и сите Него­ви служители, препашани со вреќиште, Му принесуваа постојани жртви сепале­ници – ветени и доброволни дарови од народот;

15Ис.Н. 7,6; Неем 9,1; 2 Мак 10,25; 14,25нивните кидари на главите беа по­сипани со пепел и викаа со висок глас кон Господ, со милост да го посети це­лиот дом Израилев.