Сирахова 36 - Свето Писмо: Стандардна Библи?а 2006 (со девтероканонски книги)（MK2006D）

Молитва за Божјиот народ

1 Ер 10,25; Пс 78,6 Смилувај се, Господи, Боже на сите, и милостиво погледај на нас,

2на сите народи испрати им го стра­вот Твој.

3Подигни ја Твојата силна рака против туѓите народи, за да ја познаат твојата моќ.

4Ез 28,22; 38,23Како што ја покажа пред нив светос­та Своја во нас, така и сега покажи го пред нас Своето величие во нив,

55 Мојс 32,39; 3 Цар 8,43; Ис 45,14; 1 Лет 17,20па нека познаат, како што познаваме ние, дека нема друг Бог освен Тебе, Гос­поди;

6Пс 78,6обнови ги знаменијата, повтори ги чудата;

7прослави ја раката Твоја и десницата Твоја, лутината издигни ја и излиј го гне­вот Твој,

8собори го противникот и уништи го непријателот.

9Побрзај го времето и за клетвата спомни си, нека се слават Твоите големи дела.

10Со жесток оган нека бидат из­го­ре­ни оние коишто преживеале, мачи­те­ли­те на народот Твој во пропаст нека појдат.

11Ис 48,8-10; Соф 2,15Скрши им ги главите на туѓинските главатари, коишто велат: „Никој нема освен нас!“

12Ер 3,18; Ос 1,10Собери ги сите племиња Јаковови и направи ги наследство Твое, како што било на почетокот.

135 Мојс 7,6; 28,10; Ер 31,9Смилувај се, Господи, на народот именуван според името Твое, и Израил, кој првенец го нарече.

142 Мојс 15,17; 2 Цар 5,9; Пс 131,14; Мт 4,5Смилувај се над градот на Твојата светиња, над Ерусалим – место на спо­којот Твој.

15Исполни го Сион со похвалите на Твоето ветување, а со славата Твоја – народот Твој.

16Сведоштво дај им на оние, коишто од почетокот беа наследство Твое и ис­полни ги пророштвата, објавени во Твое име.

172,8; 11,22Награди ги оние што се надеваат на Тебе и Твоите пророци да влеваат верба.

184 Мојс 6,22-27Господи, послушај ја молитвата на Твоите слуги спрема благословот на Арон, за народот Твој.

191 Мојс 21,33; Тов 13,1; 1 Тим 1,17Та сите што живеат на земјата да познаат дека си Ти Господ, вечниот Бог.

Препознавање на подоброто

20Стомакот прима секаква хрна, но едно јадење повкусно е од друго.

21Јов 12,11Непцето распознава јадења од ди­веч; а разумното срце – зборови лаж­ли­ви.

22Лукаво срце болки задава, но искусниот знае како да му возврати.

Избирање на жена

23Жена прима секаков маж, но има девојка подобра од друга.

24Убавината на жената го весели ли­цето на човекот; и тоа најмногу го сака мажот.

25Изреки 15,4Ако јазикот нејзин има нежност и кротост, мажот ѝ не е како другите лу­ѓе.

261 Мојс 2,18Кој се здобил со жена, тој почнува да создава имот: таа му е помошник и потпорен столб во спокојството.

27Ис 5,5Каде нема ограда – се разграбува имотот; кој жена нема – талка и воздив­нува,

28кој ќе му верува на вешт разбојник што талка од град во град?

29Така е и со човекот кој постојано живеалиште нема, а ноќева таму каде што се најде.