Сирахова 22 - Свето Писмо: Стандардна Библи?а 2006 (со девтероканонски книги)（MK2006D）

Мрзливецот

1 Изреки 6,6; Проп 4,5 На извалкан камен прилега мрзливиот и секој го презира него­во­то бесчестие.

2Ез 4,12Мрзливиот е сличен на воловска ле­пешка; секој што ќе ја подигне, раката ја истресува.

За лошите деца

3 Изреки 17,21; 19,26 Лошиот син на таткото е срам, а ло­шата ќерка за понижување се раѓа.

436,24Разумната ќерка лесно ќе се мажи, а бесрамната е жалост на родителот свој.

5Изреки 12,4Нечесната го срамоти и таткото и мажот; обајцата ја презираат.

630,1Несоодветните зборови се како му­зика во денови на жалост; казната и по­уката секогаш се на мудроста.

За глупавоста нема лек

7Да поучуваш неразумен е исто што и скршено грне да лепиш или да будиш длабоко заспан човек.

8На глупав да му објаснуваш, исто е што и на задреман човек да му рас­ка­жуваш, кој на крајот ќе те праша: „Што беше тоа!?“

921,14Плачи над умрен, зашто светлината за него исчезнала, а плачи и над глупав, зашто разумот го напуштил.

10Но помалку плачи за умрениот, зашто тој се успокоил; лошиот живот на глупавиот – полош е и од смртта.

1138,16За умрениот се жали седум дни, а за неразумниот и безбожниот се жали до­дека се живи.

121 Мојс 50,10; Јудита 16,24Со безумник многу не зборувај и кај неразумен не оди;

13Изреки 26,4чувај се од него, за да немаш непријатности и да не се извалкаш од допирот со него.

1421,16Бегај од него – за да имаш спокој, да не те огорчи со безумието негово.

15Изреки 27,3Што е потешко од оловото и како му е името – ако не глупак?

16Полесно е да носиш песок и сол или парче железо, отколку човек неразумен.

17Како што цврсто врзаните греди ја пазат куќата при тресење од уривање, така и срцето утврдено врз зрели раз­мислувања – не се плаши од никаков страв.

18Срцето утврдено на разумно раз­мислување е како украс врежан на ѕид.

19Како што потпирка ставена високо не устојува против ветар,

20така плашливото срце, при глупаво размислување, не ќе устои против стра­вот.

Во одбрана на пријателството

21 19,13-17 Кој удира око, предизвикува солзи, а кој го удира срцето, чувство на болка предизвикува.

22Изреки 11,13; 20,19; 25,9Кој фрла камен на птици – ќе ги из­брка, а кој пријател навредува, пријателство расипува.

236,8-10; Лк 6,33-35Ако си извадил и меч против прија­телот, не плаши се, измирувањето е можно.

2427,15; 28,11Ако си отворил уста против пријател, не плаши се, измирувањето е мож­но.

256,12Само хулата, гордоста, откривањето тајни и подмолен удар го одвраќаат секој пријател.

26Кај ближниот свој придобивај до­вер­ба додека е сиромав, за да се радуваш заедно со него кога ќе стане богат.

2728,25; Пс 140,3Остани со него кога е во неволја, за да го делиш наследството со него.

28Како што пред пламенот во печ­ка­та се јавува пара и дим, така и пред кр­вопролевање се појавува кавга.

29Не се срамувам пријател да бранам, од лицето негово нема да се кријам.

30Ако, пак, ме снајде зло од него, се­кој што ќе чуе, ќе се пази од него.

Молитва за владеење со себе

31Кој ќе ми даде стража за устата моја и печат на разумот врз усните мои, та да не паднам поради нив и јазикот мој да не ме погуби.